QR Premer-Mınıstriniń orynbasary Eraly Toǵjanov vaksınalaý qarqynyn keshiktirgen ákimderdiń orynbasarlaryna tártiptik shara qoldanýdy usyndy, dep habarlaıdy almaty-akshamy.kz QazAqparatqa silteme jasap.
«1 qyrkúıekten beri vaksınalaý josparynyń eń tómengi oryndalýy 10-13 paıyz kóleminde Nur-Sultan qalasy men Mańǵystaý, Qostanaı oblystarynda baıqalyp otyr. Vedomstvoaralyq komısıa otyrystarynda óńirlerge vaksınalaý qarqynyn jedeldetý týraly birneshe márte tapsyrma berilgen bolatyn. Biraq ol tapsyrma qajetti deńgeıde oryndalyp jatqan joq», - degen Úkimet basshysynyń orynbasary ákimdikterdiń jaýapkershiligin kúsheıtetin naqty sharalardy usyndy.
«Osyǵan baılanysty óńir ákimderine vaksınasıany uıymdastarý boıynsha Shyǵys Qazaqstan oblysynyń úlgisimen túbegeıli sheshimder qabyldaý kerek dep esepteımiz. Vaksınalaý josparynyń oryndalmaǵany úshin ákimdik basshylarynyń jeke basymen jaýapty ekenin bekitý qajet. Eger vasınalaý boıynsha oń dınamıka baıqalmasa, osy salany úılestiretin ákimderdiń orynbasaralaryna tártiptik sıpattaǵy shara qoldanǵan jón dep esepteımiz», - dedi Eraly Toǵjanov.