Ekpeden paıda mol!
Koronavırýsqa qarsy vaksına eshqandaı aýrý týdyrmaıdy, bedeýlikke ákelip soqpaıdy jáne DNQ-ny ózgertpeıdi, dep habarlaıdy Almaty-akshamy.kz.
Qoǵamda ımmýndaý naýqanyna qatysty taraǵan osy tekti qaýesetter jaıynda medısına ǵylymdarynyń doktory, ınfeksıonıst-dáriger Lázzat Eralıeva pikir bildirdi. Ol COVID-19-ǵa qarsy ekpelerdiń qaýipsiz ekeni ǵylymı túrde dáleldengenin taǵy bir eske saldy. Sondyqtan, eń aldymen, tekserilmegen aqparat kózderine qulaq aspaýǵa shaqyrady.
Ekpe salý eshbir aýrýdy qozdyrmaıdy. Kerisinshe, qaterli indettiń aldyn alýdyń birden-bir joly. Dertti juqtyrý kórsetkishin úsh ese tómendetedi. «Eń bastysy, ólimnen saqtaıdy», – deıdi sarapshy.
Ashyq derekterge sáıkes, koronavırýstyń saldarynan elimizde kúnine 100-den astam naýqas kóz jumady.
Medısına ǵylymdarynyń doktory, ınfeksıonıst Lázzat Eralıeva vaksınaǵa qatysty pikir bildirdi.
«Vaksına bizge, eń aldymen, aǵzadaǵy jasýshalardyń este saqtaý qabiletin jaqsartý úshin qajet. Adam vırýsty qaıta juqtyryp alǵan kezde dál osy jasýshalar antıdenelerdiń jyldamyraq túzilýine yqpal etetin bolady. Osynyń áserinen adam indetten saq bolady. Juqtyryp alǵannyń ózinde aýrý jeńil túrde ótedi», - dedi ol.