Áleýmettik jelidegi habarlamaǵa negiz bolǵan «Birde-bir vaksına balalar úshin qaýipsiz emes» dep atalatyn maqala 2023 jyldyń qyrkúıeginde redko-da-metko.ru saıtynda shyqqan. Aıta keteıik, portalda kez kelgen adam maqala jaza alady. Materıaldar jalǵan aqparattyń baryna tekserilmeı jarıalanady, dep habarlaıdy almaty-akshamy.kz
Maqalanyń avtory – Dúnıejúzilik densaýlyq saqtaý keńesi. Mundaı materıal uıymnyń resmı portalynda da shyqty. Dúnıejúzilik densaýlyq saqtaý keńesi – beıresmı memlekettik organ. Bul vaksınasıa týraly feık aqparat taratyp, balama emdeý ádisterin usynatyn psevdomedısınalyq uıym.
Keńes basshylary negizsiz qastandyq teorıalaryn nasıhattaıdy jáne belsendi antıvakserler bolyp tabylady. Uıymnyń negizin qalaýshylar Djennıfer Hıbberd pen Tess Lorı. Sońǵysy COVID-19-dy ıvermektınmen emdeýge keńes bergen. Bul ekto jáne endoparazıtterden qutylý úshin veterınarıada qoldanylatyn antıparazıttik preparat. Ǵylymı zertteýler ıvermektınniń koronavırýstyq ınfeksıany emdeýdegi tıimdiligin rastaǵan joq. Sonymen qatar, bul preparatty baqylaýsyz qoldaný adamdardyń densaýlyǵyna qaýipti jáne aǵzaǵa orny tolmas zıan keltirýi múmkin.
Dúnıejúzilik densaýlyq saqtaý keńesi óz maqalasynda balalardy egý týraly feık jınaǵan. Vaksınasıa demikpe, alergıa, aýtızm, qant dıabeti, semizdik jáne basqa da aýyr aýrýlardy týdyrady eken. Bul jalǵan málimdemelerdiń bárin ártúrli elderdiń medısınalyq qaýymdastyqtary men faktchekerler, sonyń ishinde bizdiń saıt ta joqqa shyǵardy.
Shyndyǵynda, vaksınalar qoǵamǵa egý úshin maquldanǵanǵa deıin qatań klınıkalyq synaqtardan ótedi. Álemdik elder barlyq sapa standarttaryna sáıkes keletin jáne olardyń qaýipsizdigin rastaıtyn preparattardy ǵana tirkeıdi.
- Mysaly, qyzylshaǵa qarsy ekpeler 2000-2017 jyldar aralyǵynda 21 mıllıonnan astam adamnyń óliminiń aldyn aldy.
- Vaksınalar balalardy zıan keltirip qana qoımaı, ólimge ákelýi yqtımal aýrýlardan qutqarady. Bul ásirese ımýndyq júıesi áli damymaǵan nárestelerge qatysty.
- Eger vaksınasıadan bas tartsańyz, onda kókjótel, dıfterıa, polıomıelıt sıaqty kóptegen elderde joıylǵan juqpaly aýrýlar qaıta shyǵady.
Dúnıejúzilik densaýlyq saqtaý keńesiniń habarlaýynsha, sheshek aýrýyn vaksınasıa emes, gıgıena, taza sý jáne jaqsy tamaqtaný joıǵan. Bul ótirik. DDU málimetteri boıynsha, sheshek myńdaǵan jyl ishinde mıllıondaǵan adamnyń ómirin qıdy. Bul qaýipti aýrý tek vaksınasıanyń arqasynda ǵana joıyldy. DDU bul týraly 1980 jyly resmı túrde jarıalady.
Dúnıejúzilik densaýlyq saqtaý keńesi balalardy vaksınasıalaý týraly jalǵan aqparat taratyp, olardyń ómirine qaýip tóndiredi. Ata-analar aldanyp qalmaý jáne balalarynyń densaýlyǵyn saqtaý úshin resmı derekkózderge kóbirek senýi kerek.