Áıgili amerıkalyq juldyzdy top Backstreet Boys Almatyda Ortalyq stadıonda óner kórsetedi. Dál qazirgi atmosfera qandaı? Aqshamnews.kz tilshisiniń materıalynda.
Túrli elden kelgen jankúıerler stadıon mańyna jınalyp jatyr
Jankúıerler konsert bastalmaı jatyp, jınalyp úlgergen. Olar súıikti ánshilerin asyǵa kútip, erekshe kóńil-kúıde júrgenderin jetkizdi. Kópshiligi súıikti toptarynyń logotıpi bar merch kıip, ánderiniń sózderin birge aıtyp, estelik sýretterge túsip jatyr.
Daıyndyq qalaı?
Jıynda eriktilerdiń jumysyna da arnaıy toqtaldy. Qalalyq jastar saıasaty basqarmasynyń basshysy Azız Qajdenbektiń aıtýynsha, konsertke 200-ge jýyq erikti tartylady. Olar tek 18 jastan asqan jastardan irikteledi, árqaısysyna tegin tamaqtaný talondary beriledi.
Polısıa eskertýi
Konsertte qoǵamdyq tártip eskerýsiz qalmaıdy. Almaty qalalyq polısıa departamentiniń málimetinshe, Backstreet Boys tobynyń konserti kezinde qoǵamdyq tártip pen jol qaýipsizdigin qamtamasyz etýge shamamen 2,5 myń polısıa qyzmetkeri jumyldyrylady.
Merekelik keshke kelýshiler sany kóp bolǵandyqtan, polısıanyń keshendi kúshteriniń kezekshiligi kúsheıtiledi. Ásirese qoǵamdyq tártipti saqtaý, quqyqbuzýshylyqtardyń aldyn alý jáne kólik aǵynyn retteýge erekshe kóńil bólinedi. Arnaıy kólikterdiń kedergisiz ótýin qamtamasyz etý jáne keptelisterdiń aldyn alý maqsatynda Abaı dańǵyly – Baıtursynov, Muqanov jáne Sátpaev kósheleriniń shekarasyndaǵy kólik qozǵalysy ishinara shektelýi múmkin.
Almaty qalalyq polısıa departamenti qala turǵyndaryn osy aqparatty marshrýt josparlaý kezinde eskerýge, qoǵamdyq tártipti saqtaýǵa jáne polısıa qyzmetkerleriniń nusqaýlaryna qulaq asýǵa shaqyrdy.
İs-shara ótetin jerde órt qaýipsizdigin Almaty garnızonynyń eki órt sóndirý bóliminiń kúshi men tehnıkasy qamtamasyz etedi. Sondaı-aq, Departament basshylyǵy – Memlekettik órt baqylaý basqarmasynyń bastyǵy Kanın K.L. jáne Bostandyq aýdanynyń TJ basqarmasy bastyǵy Elebekov E.S. baqylaýdy júzege asyrady.