Astanada «Taza Qazaqstan» respýblıkalyq ekologıalyq aksıasy aıasynda kezekti «Taza beısenbi» senbiligi ótti. Aksıaǵa mamandandyrylǵan sábıler úıiniń qyzmetkerleri, stýdentter men eriktiler, sondaı-aq «Amanat» partıasynyń jastar qanatynyń músheleri atsalysty.
Olar birge sábıler úıiniń aýlasyn tazalap, oıyn alańyn abattandyrdy, aǵashtar men gúlder otyrǵyzyp, tárbıelenýshilerge jaıly ári qaýipsiz orta qalyptastyrdy. Uıymdastyrýshylardyń aıtýynsha, mundaı is-sharalar tek tazalyqty nasıhattap qana qoımaı, qoǵamnyń áleýmettik jaýapkershiligin arttyrýǵa yqpal etedi.
Volontór Dıas Esengeldıev atap ótkendeı:
– Bul aksıa, eń aldymen, jastar úshin mańyzdy. Ol bizdi biriktirip qana qoımaı, ekologıaǵa qurmetpen qaraýdy, uıymdarǵa qol ushyn berýdi úıretedi. Búgingi tańda biz sábıler úıine kómek kórsetip, balalarǵa qýanysh syıladyq, – dedi ol.
Kerek derek
-
Aksıa 2023 jyly bastalyp, jyl saıyn respýblıka kóleminde turaqty túrde ótkizilip keledi.
-
2024 jyly el boıynsha 1 mıllıonnan astam qazaqstandyq senbilikterge qatysyp, 120 myń tonnadan astam qoqys jınaldy.
-
Tek elordada ǵana 15 myńnan astam adam qatysqan senbilikter barysynda saıabaqtar, aýlalar men qoǵamdyq oryndar tazartyldy.
-
«Taza beısenbi» formaty – ár aptada memlekettik mekemeler, jastar uıymdary jáne eriktilerdiń birlesken jumysy retinde dástúrge aınalyp keledi.