Astanada ótken V Dúnıejúzilik kóshpendiler oıyndary aıasynda Almaty qalasy týrısik, tarıhı jáne sporttyq ortalyq retinde keńinen tanystyryldy. «Kóshpendiler álemi» etnoaýylynda Welcome to Almaty dep atalatyn fýtýrısik kıiz úı ashyldy.
Ortalyq 12 qanatty kıiz úıge kelgender Almatynyń kórki kóz tartar tabıǵı sulýlyǵyn, qala peızajyn, ınfraqurylymy men turǵyndaryn kóre alady. Vızýaldy jáne dybystyq effektilerdiń arqasynda qonaqtar qalanyń atmosferasyna enip, shahardyń erekshe rýhyn sezine bildi. Dóńgelek jáne edendegi LED ekrandar joǵary tehnologıalyq arnaıy effektiler arqyly týrıserdi qaıran qaldyryp, kóshpendilerdiń baspanasyna engendeı áserge bóledi.
Kórshiles «Ulttyq qazyna» atty kıiz úıde Yqylas atyndaǵy halyq mýzykalyq aspaptar mýzeıi qazaqtyń uly aqyndarynyń, kúıshi-kompozıtorlarynyń jáne jyraýlarynyń mýzykalyq aspaptarynyń kóshirmesi, sondaı-aq qazaqtyń ejelgi halyq aspaptary qoıylǵan erekshe toptama usynyldy. QHR, Brazılıa, Malaızıa, Italıa jáne Nıderlandydan kelgen týrıserdiń erekshe qyzyǵýshylyǵyn týǵyzǵan ekspozısıa halyq mýzykanttarynyń oryndaýyndaǵy kúılerdiń «jandy» dybysymen súıemeldendi.
Al úshinshi kıiz úı qazaqtyń dástúrli mádenıetiniń ejelgi elementi «Biz kestege» arnalǵan. Bul kıiz úıde almatylyq sheber-sýretshi Zeınelhan Muhamedjanulynyń kórmesi uıymdastyrylǵan. Munda sheberdiń ilmek pen túrli-tústi jipter arqyly jasaǵan qundy buıymdary qoıylǵan. Nıet bildirýshiler sheberlik dáristerine qatysa alady.
Almatylyq kıiz úılerdiń kórmesine alǵashqy kúni-aq 5000-nan astam adam keldi. Qonaqtardy erekshe áserge bólegen taǵy bir nárse – Jetisýdyń barlyq mádenı surypty alma aǵashynyń atasy – Sıvers almasy beınelengen baq dekorasıasy edi.
Sondaı-aq, Almaty «Uly dala úni» atty aýqymdy konsert usyndy. Oǵan Roza Rymbaeva, Maıra Muhamedqyzy, Aıgúl Qosanova, Zarına Altynbaeva, Aray toby, Ulytau etno-rok toby, «Turan» ansambli, «Sazgen sazy» fólklorlyq-etnografıalyq ansambli, «Slaván bazary» baıqaýynyń laýreattary men júldegerleri Sherhan Arystan, Ernazar Juban jáne DJ Prashkevich syndy otandyq estrada juldyzdary men aty ańyzǵa aınalǵan ónerpazdar qatysyp, kórermenderdi tánti etti.