Konkýrsqa qujat qabyldaý merzimi 20 kúnge deıin qysqartyldy.
Buıryq 2022 jylǵy 26 qarashada kúshine enedi, dep habarlaıdy Almaty-akshamy.kz
QR Ǵylym jáne joǵary bilim mınıstrliginiń 2022 jylǵy 2 qarashadaǵy buıryǵamen «Úzdik ǵylymı qyzmetker» jyl saıynǵy syılyǵyn berý qaǵıdasyna ózgerister men tolyqtyrýlar engizildi.
Atap aıtqanda, konkýrsqa qatysý úshin qujattardy qabyldaý merzimi habarlandyrý jarıalanǵan kúnnen bastap 30 kúnnen 20 kúnge deıin qysqartyldy.
Sondaı-aq qujattary memlekettik qupıalardy nemese «Qyzmet babynda paıdalaný úshin» jáne «Qupıa» degen belgisi bar taratylýy shekteýli qyzmettik aqparattardy qamtıtyn úmitkerler olardy memlekettik qupıalar týraly zańnamada belgilengen tártippen ýákiletti organǵa usynady.
Syılyq berýge úmitkerdiń ǵylymı jetistikterin baǵalaý mynadaı kórsetkishterdi qamtıdy:
Qazaqstan Respýblıkasynda tanylǵan ǵylymı dárejeniń bolýy;
ýákiletti organ bergen ǵylymı ataǵynyń bolýy;
tańdalǵan ǵylymı baǵyt boıynsha ǵylymı jobalar men baǵdarlamalarǵa basshylyq etý;
tańdalǵan ǵylymı baǵyt boıynsha ǵylymı nátıjeler men (maqalalar nemese sholýlar, otandyq jáne sheteldik monografıalar, monografıadaǵy taraý, patentter, engizýler jáne t.b.) onyń sapaly bolýy;
tańdaýly ǵylymı baǵyt boıynsha bedeldi halyqaralyq resenzıalanatyn jýrnaldarda jetekshi sheteldik ǵalymdarmen birlesken avtorlyqpen maqalalardyń bolýy;
sońǵy jyly JJOKBU-da keminde bir pándi nemese birneshe pánderdi oqytý;
fılosofıa doktory (PhD) nemese sala doktory ǵylymı dárejesin alǵan kadrlardy daıyndaý;
óndiriske engizý úshin ǵylymı jáne ǵylymı-tehnıkalyq qyzmettiń rastalǵan nátıjeleri;
ǵylymı zertteýlerdiń sapasyn, nátıjeliligin jáne áserin arttyrýǵa baǵyttalǵan qoǵamdyq jumys.
Sonymen qatar buıryqta syılyq bir adamǵa kelesi on jyl ishinde bir retten artyq berilmeıtini, sońǵy on jyldaǵy «Joǵary oqý ornynyń úzdik oqytýshysy» ataǵynyń ıegerleri bul konkýrsqa qatyspaıtyny jazylǵan.
Úmitkerler komısıanyń sheshimine Qazaqstan Respýblıkasynyń Ákimshilik rásimdik-prosestik kodeksinde kózdelgen tártippen shaǵymdana alady.