Elimizde ótken «Úzdik aýyl ákimi» respýblıkalyq baıqaýynda Túrkistan oblysy Shardara aýdany Jaýshyqum aýyldyq okrýginiń ákimi Nurbaqyt Nurseıitov jeńimpaz atandy.
QazAqparat dereginshe, elimizdegi eń úzdik ákimmen suhbattasyp, onyń jospar-jobalarymen tanysyp qaıtty, dep habarlaıdy Almaty-akshamy.kz
Nurbaqyt Nurseıitov qyzmet atqaratyn «Jaýshyqum» aýyldyq okrýginde 5 eldi meken bar. Onda jalpy 2500-ǵa jýyq halyq turady.
Jergilikti turǵyndardyń basym bóligi aýyl sharýashylyǵymen aınalysady. Tórt túlik ósirip, mal basyn kóbeıtip otyrǵandary da bar.
Búginde Nurbaqyt Nurseıitov aýyldaǵy 12 myń gektar alqapty sýlandyrý jobasyn qolǵa alyp otyr.
Shardara sý qoımasynan arnaıy sý júıesin tartyp, qurǵap jatqan úlken aýmaqty egistik alqabyna aınaldyrmaq.
Jas ákim bul jumysyn respýblıkalyq baıqaýda qorǵap shyqty. El ıgiligine arnalǵan jobany baıqaýdyń baqylaýshylary da joǵary baǵalady.