Almatyda Halyqaralyq áıelder kúni qarsańynda áıelder men áıelder qoǵamdyq uıymdary arasynda ótkizilgen respýblıkalyq baıqaýdyń qalalyq kezeńi aıasynda jeńimpazdardyń esimderi anyqtaldy.
Bul týraly Óńirlik komýnıkasıalar qyzmetiniń saıtynda Almaty qalasy ákimi apparatynyń áleýmettik damý bóliminiń bas ınspektory Gúlnar Ámirova aıtty, dep habarlaıdy Almaty-akshamy.kz.
«Kúni keshe 9 atalym boıynsha úzdik áleýmettik jobalardy anyqtaýǵa baǵyttalǵan baıqaý aıaqtaldy. Oǵan negizinen jas ári kreatıvti áıelder qatysty. Jobalar óte myqty, olardy júzege asyrý túrli salalardy áıelder men balalardyń oılaryn júzege asyrýǵa kómektesedi», - dep bólisti G.Ámirova.
Respýblıkalyq joba áleýmettik mańyzy bar jobalardy júzege asyryp júrgen áıelder arasynda júrgizildi. Almaty qalasy boıynsha kelesideı bastamashylyq jobalar anyqtaldy:
«Úzdik IT-joba» atalymy boıynsha 20 upaıdy Shákenova Anel Orazalıevnanyń jobasy – «FINAGERS balalar men jasóspirimderge arnalǵan bilim berý alańy»;
«Kreatıvtik ındýstrıa salasyndaǵy úzdik joba» nomınasıasy boıynsha «DeFacto FM» ınklúzıvti ınternet-radıosynyń aqparattyq portaly» Taýbaldınova Gýlvıra Djaýmbaevna – 20 upaı;
«Jańa medıa (BAQ, áleýmettik jeliler) salasyndaǵy úzdik joba» atalymynda «FinTech ýaqyty» - Nurǵalıeva Ásem Bolatjanqyzy – 20 upaı;
«Áıelder men balalardyń quqyqtaryn qorǵaý salasyndaǵy úzdik joba» atalymy boıynsha «Baqytty otbasy» ortalyǵyndaǵy «İsker ana» jobasy Abıtaeva Ásıa Opashbekqyzy – 20 upaı;
«Inklúzıvti damý salasyndaǵy úzdik joba» atalymy boıynsha – 2 (eki joba):
Patologıasy jáne damýynda kesheýildeýi bar balalardy ınklúzıvti baǵdarlamalardy júzege asyrýǵa daıyndaý. Jobalardy júzege asyrý arqyly erekshe qajettilikteri bar balalardy ınklúzıa prosesine daıyndaý: «Erte aralasý. Mektepke deıingi ınklúzıa. 3 jastan 7 jasqa deıingi psıhıkalyq damýy tejelgen balalarǵa arnalǵan deńgeılik toptar» Maıra Maǵaýıanqyzy Súleeva – 20 upaı;
«Ǵylym jáne ınovasıa salasyndaǵy úzdik joba» atalymy boıynsha «№1 Qarjylyq saýattylyq mektebiniń» «Áıel jáne aqsha» jobasy Brasılova Aqjúnis – 20 upaı;
«Áıelder men balalardyń quqyqtaryn qorǵaý salasyndaǵy belsendi quqyq qorǵaýshy» atalymy boıynsha «Human rights= women rights! qylmystyq jáne azamattyq sot isin júrgizýde zorlyq-zombylyq qurbandaryna kómek kórsetý» jobasy Rakısheva Lázzat Bekmuhambetqyzy – 20 upaı;
«Úzdik áıel – kásiporyn basshysy» atalymy boıynsha Ábdihalyqova Sholpan Asqarqyzynyń jobasy – 20 upaı;
«Áıelderdiń quqyqtaryn qorǵaý salasyndaǵy úzdik ÚEU» atalymy boıynsha «Almaty qalasyndaǵy jasóspirimderdiń reprodýktıvti densaýlyǵyn jáne reprodýktıvti quqyqtaryn qorǵaý» jobasy Kóshkimbaeva Gaýhar Jaqashqyzy– 20 upaı.
Almaty qalalyq Jumyspen qamtý jáne áleýmettik baǵdarlamalar basqarmasy qaladaǵy «Baqytty otbasy» ortalyqtarynda kóp balaly áıelderdiń kásipkerlik áleýetin júzege asyrýǵa kómektesýge baǵyttalǵan «ISKER ANA» baǵdarlamasy júzege asyrylyp jatqanyn eske saldy. Sondaı-aq baǵdarlamaǵa qatysýshylarǵa quqyqtyq jáne konsýltatıvtik kómek kórsetiledi.
«Ótken jyly kóp balaly jáne az qamtylǵan otbasylardy jumyspen qamtý jáne jeke kásibin damytý maqsatynda demeýshiler arqyly Áýezov aýdanynda qolóner buıymdary men azyq-túlik ónimderin satatyn 4 saýda núktesi ashyldy», - dedi basqarma basshysynyń orynbasary Qalıbek Aqylbekov.
Osylaısha, baǵdarlama aıasynda 2613-ten astam adam tulǵalyq ósý, kóshbasshylyq, bıznes jáne psıhologıa boıynsha bazalyq trenıńterdi, 2810 adam kóp balaly otbasylarǵa arnalǵan oqytý kýrstaryn aıaqtady.
Sonymen qatar, «Atameken» óńirlik kásipkerler palatasynyń bazasynda Áıelder kásipkerligin damytý ortalyǵy men İsker áıelder keńesi qurylyp, tilek bildirýshiler suranysqa ıe mamandyqtar men kásipkerlik negizderin meńgere alady.