Ol bir áıeldi óltirgeni úshin qylmysty bolǵan.
QR İİM krımınaldyq polısıa departamentiniń asa mańyzdy ister jónindegi aǵa jedel ýákili Qýanysh Ibrashevtiń aıtýynsha, barlyǵy 15 qylmysker anyqtalǵan, dep habarlaıdy Almaty-akshamy.kz
"İshki ister mınıstrligine qylmyskerlerdi jáne habar-osharsyz ketken adamdardy izdestirýge qatysty suraqtar jıi kelip túsedi, sondyqtan bul jumystyń tutastaı qalaı júrgizilip jatqanyn taǵy da qysqasha aıtyp bergim keledi. Statısıka týraly aıtatyn bolsaq, jyl basynan bastap polısıa kúshteri 416 qylmyskerdi izdestirip ustady, olardyń ishinde 4 kisi óltirgen úshin, 24 qaraqshylyq shabýyldar men tonaýǵa qatysty", – dedi spıker.
Eger qylmysker bizdiń elden tys jerde jasyrynyp júrse ne bolady? Spıkerdiń aıtýynsha, olardy izdeý boıynsha jumys toqtatylmaıdy, mundaı adamdar memleketaralyq jáne halyqaralyq izdestirýge jarıalanady.
"Olardy odan ári izdeý Táýelsiz Memleketter Yntymaqtastyǵyna qatysýshy memleketterdiń quqyq qorǵaý organdarymen, sondaı-aq 195 elden turatyn Interpol Halyqaralyq qylmystyq polısıasy uıymymen ózara is-qımylda júzege asyrylady. Búgingi tańda Qazaqstannan tys jerlerde 15 qylmysker anyqtalyp ustaldy, onyń ishinde bireýi 25 jyldan astam ýaqyt boıy áıeldi óltirgeni úshin jasyrynǵan", – dedi Ibrashev.