Kezdesý barysynda Prezıdentke Joǵary aýdıtorlyq palatanyń byltyr atqarǵan jumystary jóninde esep berildi, dep habarlaıdy Almaty-akshamy.kz Aqordaǵa silteme jasap.
2022 jyly barlyǵy 5 trıllıon teńge kólemindegi búdjet qarjysy boıynsha 124 nysanda 20 aýdıtorlyq tekseris júrgizilgen. Sonymen qatar Natalá Godýnova Qasym-Jomart Toqaevqa joǵary aýdıt organynyń osy jylǵa josparlaǵan aýdıtorlyq jáne saraptamalyq-taldaý sharalary týraly málimet berdi. Atap aıtqanda, jylý energetıka kesheninde, sondaı-aq Indýstrıa jáne ınfraqurylymdyq damý, Ekologıa jáne tabıǵı resýrstar, Eńbek jáne halyqty áleýmettik qorǵaý mınıstrlikterinde jáne basqa da mekemelerde aýdıt júrgizý kózdelip otyr.
Prezıdent Joǵary aýdıtorlyq palatany odan ári transformasıalaý jáne memlekettik aýdıt júıesin damytý jóninde birqatar naqty tapsyrma berdi.