Qazaqstan Respýblıkasy parlamenti Májilisiniń depýtattary: Sarym Aıdos Ámirollauly, Sýleımenova Juldyz Dosbergenqyzy, Quspan Aıgúl Saıfollaqyzy, Almaty qalasy máslıhatynyń depýtaty Bólekbaeva Raıhan Chantyqyzy, «Almaty memlekettik energetıka jáne elektrondy tehnologıalar kolejiniń» dırektory, Almaty qalasy qoǵamdyq keńesiniń múshesi Taıtýleev Tóleýǵalı Muhametjanuly jáne Amanat partıasynyń Almaty qalasy Áýezov aýdandyq fılıalynyń tóraǵasy Ordabaeva Naılá Altynbekqyzy ótken aptada «Ustazdar úıine» keldi, dep habarlaıdy Almaty-akshamy.kz
«Órleý» – Almaty qalasy boıynsha Kásibı damý ınstıtýtynyń dırektory Sadvakasova Raısa Ajdarqyzy qonaqtardy kútip alyp, kýrs ótip jatqan aýdıtorıalardy aralatyp, muǵalimdermen kezdestirdi.
Halyqtyń jaǵdaıyn jaqsartýdy kózdeıtin Referendým týraly túsindirme jumysymen kelgen Májilis depýtattary qoldanystaǵy Ata Zańǵa engiziletin ózgerister men tolyqtyrýlar azamattardyń suranysyna negizdelip, jalpy qoǵamnyń múddesine baǵyttalǵany týraly baıandady.
Atap aıtsaq, jer jáne onyń qoınaýyndaǵy baılyqtar men tabıǵı resýrstar halyqqa tıesili, Qazaqstan Respýblıkasynyń Prezıdenti óz ókilettigin júzege asyrý kezeńinde saıası partıada bolmaýǵa tıis, Qazaqstan Respýblıkasy Prezıdentiniń jaqyn týystarynyń saıası memlekettik qyzmetshiler laýazymdaryn atqarýǵa quqyǵy joq, Konstıtýsıalyq sot, taǵy da basqa jańa Qazaqstannyń kelbetin aıqyndaı túsetin ózgeristerge jan-jaqty toqtaldy.
Prezıdenttiń ókilettigin kúsheıtý emes, yqpaldy Parlament qurý arqyly qarapaıym halyqqa esep beretin Úkimet qalyptastyrýdy kózdeıtin búkilhalyqtyq referendým erekshelikterin taıǵa tańba basqandaı naqtylap túsindirgen laýazymdy qonaqtar «Ustazdar úıiniń» qyzmetkerlerimen dóńgelek ústel basynda kezdesip, mundaǵy túıindi máselelerdiń tıimdi sheshimin qarastyrýǵa ýáde berdi.
Elin, jerin, tarıhyn qasterleıtin, qoǵamdaǵy turaqtylyq pen tynyshtyqty qoldaıtyn árbir azamat Jańa Qazaqstannyń bolashaǵy úshin 5 maýsymda ótetin referendýmǵa qatysyp, óz tańdaýyn jasaıdy. Bul – bizdiń azamattyq boryshymyz!