Qazaqtyń kórnekti aǵartýshy ustazyna arnalǵan kórme ótip jatyr.
QR Memlekettik ortalyq mýzeıi málimetinshe, asa kórnekti halyq aǵartýshysy Ybyraı Altynsarınniń týǵanyna 180 jyl tolýyna oraı «Ustaz ulaǵaty» atty kórmesi uıymdastyrylýda, dep habarlaıdy Almaty-akshamy.kz.
Ult ustazy Ybyraı Altynsarınniń (1841-1889) týǵanyna 180 jyl tolýyna oraı onyń ómiri men shyǵarmashylyq murasyn nasıhattaý ári dáripteý maqsatynda Qazaqstan Respýblıkasy Memlekettik ortalyq mýzeıinde kórme uıymdastyrylyp otyr.
İlimdar ustaz - qazaq halqynyń qoǵamdyq oı-pikiri, mádenıeti men ádebıeti tarıhyndaǵy jańashyl-pedagog, jańa mektepterdiń uıymdastyrýshysy, etnograf, fólklorshy, aqyn, prozashy jáne orys klasıkteri týyndylarynyń aýdarmashysy retinde tanylǵan biregeı tulǵa.
Kórme 2021 jyldyń 30 qyrkúıegine deıin jalǵasady.