Zymyrandy-bombalyq soqqylardy qoldanýdyń jańa tásilderi pysyqtaldy
Jaýyngerlik daıyndyq josparyna sáıkes Áýe qorǵanysy kúshteriniń avıasıalyq bazalarynda tájirıbeli nusqaýshylardyń basshylyǵymen oqý-jattyǵý ushýlary ótti, dep habarlaıdy Almaty-akshamy.kz.
Oqý-jaýyngerlik ushýlar kezinde joıǵysh-ushqyshtar áýe urysyn júrgizý, áýe nysanalaryn qolǵa túsirý tásilderin pysyqtap, kúrdeli jáne joǵary pılotaj fıgýralaryn oryndady. Sondaı-aq zymyrandy-bombalyq soqqylardy qoldanýdyń jańa tásilderi pysyqtaldy.
«Áýe qorǵanysy kúshterinde oqýdyń qazirgi kezeńinde jaýyngerlik daıarlyqtyń qarqyny edáýir ósti. Tıisinshe, ekıpajdyń ushý saǵattary da artty. Sý-30SM kópfýnksıonaldy joıǵysh ushqysh tapsyrmalaryn oryndaý kezinde manevrlik áýe urysynyń elementterin pysyqtaýǵa, shabýyldaý jáne qorǵanys áreketterine erekshe nazar aýdaryldy», – dep túsindirdi 50185 áskerı bólimi avıasıalyq eskadrılıasynyń komandıri, podpolkovnık Ahmadı Orazǵalı.
Ushý kúndiz-túni ár túrli meteorologıalyq jáne klımattyq jaǵdaıda júrgizildi. Ushý, qoný mınımaldy aralyqtar men qashyqtyqtarda eki ushaqpen jáne jeke júzege asyryldy.
Árbir ushýdyń aldynda qamtamasyz etý bólimsheleriniń qatysýymen jerde muqıat daıyndyq boldy. Atalǵan sharalar eldiń áýe keńistigin qorǵaıtyn ushý jáne ınjenerlik-tehnıkalyq quramdardyń kásibı sheberligin arttyrýǵa baǵyttalǵan.