Týrısiń ómirin saqtap qalý úshin oǵan shuǵyl túrde ota jasaý qajet boldy
44 jasar Fernando Bodelon buǵan deıin densaýlyǵyna shaǵymdanyp kórmegen. Madrıdten Qazaqstannyń tanymal týrısik baǵyttary boıynsha saıahattap kórý úshin Almatyǵa ushyp kelmekshi bolǵan. Ushaqta, qonýǵa birneshe saǵat qalǵanda ózin nashar sezingen, dep habarlaıdy Almaty-akshamy.kz.
«Ushaqta meniń moınym aýyryp, kúrt bozaryp kettim, qaıta-qaıta qustym. Sodan keıin sol qol men sol aıaqta álsizdik paıda boldy. Almaty áýejaıyna qonǵan soń meni jedel járdem dárigerleri kútip aldy», – dep eske alady Fernando Bodelon.
Tórtinshi qalalyq aýrýhananyń qabyldaý bólimine kelgen kezde týrısiń jaǵdaıy aýyr dep baǵalanǵan. №4 qalalyq klınıkalyq aýrýhananyń neırohırýrgteri sheteldik qonaqtyń ómiri úshin 27 kún boıy kúresti.
«Mıǵa jasalǵan KT oń gemısferanyń qyrtys asty ıadrolary aımaǵynda qarynshalyq júıeniń buzylýyn, gemorragıalyq tıpti mı qan aınalymynyń jedel buzylýyn, mıdyń isinýin kórsetti. Naýqas shuǵyl túrde jansaqtaý bólimine jatqyzyldy», - deıdi №4 qalalyq klınıkalyq aýrýhananyń qabyldaý bóliminiń meńgerýshisi Magadın Haıroev.
Týrısiń ómirin saqtap qalý úshin oǵan shuǵyl túrde ota jasaý qajet boldy. İsti neırohırýrgıa bóliminiń meńgerýshisi Nurjan Ájibekov, asıstent Eldar Besenov jáne anestezıolog Marjan Mýsına qolǵa aldy. Ota 60 mınýtqa sozylyp, sátti aıaqtaldy - dárigerler mı qan aınalymyn qalpyna keltire aldy.
«Biz mı ishindegi gematomanyń drenajyn jasadyq. Otadan keıingi kezeń turaqty-aýyr túrde ótti, naýqasta oń dınamıka oryn alady. Aýrýhanadaǵy baqylaýdan keıin Fernandonyń jaǵdaıy jaqsaryp, úıge shyǵaryldy», - deıdi emdeýshi dáriger №4 qalalyq klınıkalyq aýrýhananyń neırohırýrgi Aldongar Aısaýtov.
Fernando Bodelon aýrýhanadan shyqqannan keıin birden Ispanıaǵa oraldy, onda ol ońaltý kýrsynan ótedi. Bolashaqta týrıs óziniń bastaǵan saparyn jalǵastyryp, ekinshi týǵan jeri - Qazaqstanǵa qaıta oralýdy josparlap otyr.
«Men bul klınıkany, dárigerler men qyzmetkerlerdi qashanda jyly lebizben eske alamyn. Maǵan ómirge ekinshi múmkindik bergenińiz úshin rahmet», - deıdi Fernando Bodelon.