Almaty halyqaralyq áýejaıynda kólik ushaqtyń astyna kirip ketti, dep habarlaıdy almaty-akshamy.kz QazAqparatqa silteme jasap.
Oqıǵa ornynan túsirilgen vıdeo áleýmettik jelide paıda boldy. Onda ushaq pen kólik búgin tańǵy saǵat jetide soǵylǵany aıtylǵan.
Kóliktik polısıa departamentini mán-jaıdy anyqtap jatyr.
«Atalǵan fakti boıynsha QR Qylmystyq kodeksiniń 344-babynyń 1-bólimi boıynsha sotqa deıingi tergeý bastaldy. Qazirgi ýaqytta is boıynsha qajetti tergeý áreketteri júrgizilýde. Qazaqstan Respýblıkasy Qylmystyq is júrgizý kodeksiniń 201 -babynyń talaptaryna sáıkes, tergeý múddesi úshin basqa aqparat jarıa etilmeıdi», - dep habarlady vedomstvodan.
Aıta keteıik, osy jyldyń mamyrynda Almaty áýejaıynda eki ushaq soqtyǵysqan.
Tirkep súıreý kezinde A 320 ushaǵy Boeing 767 ushaǵyn janap ótti. Eki áýe kemesi de Air Astana áýe kompanıasyna tıesili.