Mas sheteldik azamat ushaq bortynda qoǵamdyq tártipti buzdy.
Bıylǵy jyldyń birinshi toqsanynda kóliktegi polısıa departamentiniń qyzmetkerleri 21 441 ákimshilik quqyq buzýshylyqty anyqtady, dep habarlaıdy aqshamnews.kz Polisia.kz-ke silteme jasap.
Onyń ishinde alkogóldik ishimdikter ishkeni nemese qoǵamdyq oryndarǵa masań kúıinde kelgeni úshin – 1648, usaq buzaqylyq jasaǵany úshin – 163 fakti.
Máselen, Phýket - Almaty áýe reısi ushyp kelgennen keıin áýejaıdaǵy jelilik polısıa bóliminiń qyzmetkerleri ushaq bortyndaǵy qoǵamdyq tártipti buzǵan jolaýshyny akt boıynsha túsirip, ustady.
Tekserý barysynda kólik polıseıleri Reseı Federasıasynyń 42 jastaǵy azamatyn anyqtady. Ol masań kúıinde bolyp, salondaǵy óz ornynda kishi dáretin syndyrǵan. Quqyq buzýshy QR ÁQBtK-niń birden eki baby, ıaǵnı alkogóldik ishimdikter ishý nemese qoǵamdyq oryndarǵa masań kúıinde kelý jáne usaq buzaqylyq boıynsha ákimshilik jaýapkershilikke tartylyp, 25 AEK mólsherinde aıyppul arqalady.