«Uly dala joryǵynyń» qatysýshylary úshinshi kezeńdi óndirýge attandy. Qatysýshylar arasynan Soltústik Qazaqstan oblysynyń komandasy shyǵyp qaldy, dep habarlaıdy uıymdastyrý komıtetine Almaty-akshamy.kz silteme jasap.
Báıgeniń talaby boıynsha ár kezeńde ýaqyttan utyp, alǵashqy bolyp kelgen komanda kelesi kúngi jarysty birinshi bolyp bastaıdy. Ekinshi kezeń qorytyndysy boıynsha Mańǵystaý oblysynyń komandasy kósh bastasa, Qostanaı komandasy ekinshi jetti, Jetisý oblysynyń shabandozdary kómbeni úshinshi bolyp qıdy. Shymkent qalasy men Batys Qazaqstan, Shyǵys Qazaqstan oblystarynyń komandalary boldyrǵan attaryn jarystan shyǵarýǵa týra keldi.
«Sport Qory» týrızm ındýstrıasy men sportty qoldaý qory bas seriktesi sanalatyn «Uly dala joryǵy» respýblıkalyq marafon-báıgesi 13 kezeńmen aıaqtalady. Túrkistan qalasyna deıingi 1300 shaqyrymdyq qashyqtyqta birinshi bolyp kelgen komandaǵa 30 mıllıon teńge, ekinshi orynǵa 20 mıllıon, úshinshi orynǵa turaqtaǵan komandaǵa 15 mıllıon teńge syıaqy beriledi.