Keıingi úsh jylda eldegi qylmystyq qýdalaý organdary ártúrli qylmys jasady degen kúdikpen 3000-nan astam adamdy izdeýde.
QR Bas prokýratýrasynyń baspasóz qyzmetiniń málimetterine qaraǵanda, shet memleketterde ustaý jáne olardy keıinnen Qazaqstanǵa ekstradısıalaý, sonyń ishinde prokýrorlardyń úılestirýimen 500 adam ustaldy.
Qazir 2500-den astam adam ustaýǵa jatady. Negizinen ishki ister organdarynyń jelisi boıynsha, alaıaqtyq jasaǵany úshin 400, urlyq úshin 250 adamǵa izdeý jarıalanǵan, dep habarlaıdy Almaty-akshamy.kz.
Aýyr jáne asa aýyr qylmystar jasady degen 400 kúdiktiniń 250-i izdeý jarıalanǵannan keıin ustaldy.
Shet memlekettermen jolǵa qoıylǵan yntymaqtastyqtyń arqasynda qylmys jasap, izdeý jarıalanǵan 600 kúdiktiniń júrgen jeri anyqtaldy. Olardyń kópshiligi Reseı Federasıasynda, Amerıka Qurama Shtattarynda, Túrkıa Respýblıkasynda, Birikken Arab Ámirlikterinde, Qyrǵyz Respýblıkasynda, Ózbekstan Respýblıkasynda jáne Ýkraınada jasyrynyp júr.
«Mysaly, aǵymdaǵy jyly qoǵamdyq rezonans týdyrǵan qylmys jasady degen 6 kúdikti ustaldy (4 - kisi óltirý boıynsha, 2-qarjy pıramıdalaryn uıymdastyrǵany jáne basqarǵany úshin).
Qalǵan tulǵalar boıynsha basqa elderdiń quqyq qorǵaý organdarymen birlesip olardy ustaý boıynsha is-sharalar júrgizilýde», - delingen Bas prokýratýranyń baspasóz qyzmeti taratqan habarlamada.