Almatynyń ýchaskelik ınspektory kámpıtke qaqalyp qalǵan kishkentaı qyzdyń ómirin qalaı qutqarǵanyn aıtyp berdi, dep habarlaıdy Almaty-akshamy.kz Polisia.kz-ke silteme jasap.
Almaly aýdandyq polısıa basqarmasynyń ýchaskelik ınspektory Baqdáýlet Mamyrdyń aıtýynsha, ótken mereke kúnderi qaıǵyly oqıǵa bola jazdaǵan. Ol kúni boıy qalanyń qoǵamdyq oryndarynda tártipti qamtamasyz etip, keshkisin úıine qaıtyp bara jatqan.
«Rysqulov pen Momyshuly kósheleriniń qıylysynda áıel adamnyń aıǵaılaǵan daýysyn estidim. Toqtadym, júgirip bardym, áıeldiń balasyn qutqarmaq bolyp jatqanyn kórdim. Ol kishkentaı qyzdyń kámpıtke qaqalyp qalǵanyn aıtty. Men óte jyldam áreket ettim, avtomatty túrde: balanyń basyn tómen qaratyp kóterdim, arqasynan birneshe ret urdym, kámpıt aýzynan ushyp ketti. Barlyǵy óte tez boldy. Men qyzdyń atyn da suramadym, ózimdi de tanystyrmappyn. Balanyń aman qalǵanyna bárimiz qýandyq. Bul - meniń polısıa qyzmetkeri retindegi boryshym», – dedi Mamyr.
Ýchaskelik ınspektor bul jaǵdaıdyń sońy qaıǵyly bolýy da múmkin ekenin aıtady. Polıseı sábıdiń ómirin aman alyp qalǵanyna shúkirshilik etetinin jasyrmady.