Almaty qalasynyń aýmaqtyq saılaý komısıasy halyqty aldaýǵa jol bermeý úshin tek qana shynaıy aqparatty taratýǵa shaqyrady
Almaty qalasynyń aýmaqtyq saılaý komısıasy HAQ qoǵamdyq qaıyrymdylyq qorynyń ınternet jelisinde taratqan №4 birmandattyq aýmaqtyq saılaý okrýgi boıynsha saılanatyn Qazaqstan Respýblıkasy Parlamenti Májilisi depýtattaryn saılaý boıynsha №99 saılaý ýchaskesindegi daýys berý nátıjeleri týraly ýchaskelik saılaý komısıasynyń hattamasy delingen fotodaǵy qujattyń shyndyqqa sáıkes kelmeıtinin habarlaıdy.
Birinshiden, jarıalanǵan fotolardaǵy hattamanyń Qazaqstan Respýblıkasy Ortalyq saılaý komısıasynyń 2023 jylǵy 20 qańtardaǵy №18/672 qaýlysynyń (Almaty qalasy máslıhatynyń depýtattaryn partıalyq tizimder boıynsha saılaý boıynsha daýys berý nátıjeleri týraly) №32 qosymshasy boıynsha toltyrylǵan, qujatta saıası partıalardyń ataýynyń ornyna №4 birmandattyq aýmaqtyq saılaý okrýgi boıynsha saılanatyn Qazaqstan Respýblıkasy Parlamenti Májilisiniń depýtattyǵyna kandıdattardyń aty-jóni kórsetilgen.
Ekinshiden, túpnusqa hattama Qazaqstan Respýblıkasy Ortalyq saılaý komısıasynyń 2023 jylǵy 20 qańtardaǵy №18/672 qaýlysynyń 20-qosymshasynyń nysany boıynsha resimdelgen. Taratylǵan fotolarda tirkelgen 28 úmitkerdiń ornyna tek 6 úmitkerdiń aty-jóni ǵana kórsetilgenine nazarlaryńyzdy aýdaramyz.
Úshinshiden, №99 saılaý ýchaskesiniń ýchaskelik saılaý komısıasynyń senim bildirilgen adamdardy, saıası partıalardyń, ózge de qoǵamdyq birlestikterdiń, komersıalyq emes uıymdardyń baıqaýshylaryn, Qazaqstan Respýblıkasynyń BAQ ókilderin, shet memleketterdiń sondaı-aq halyqaralyq uıymdardyń baıqaýshylaryn sondaı-aq sheteldik BAQ ókilderin esepke alý jáne tirkeý jýrnalynyń derekterine sáıkes, saılaý ýchaskesinde daýys berý kúni ishinde jáne daýystardy sanaý kezinde tirkeýden ótken 5 baıqaýshy/senim bildirilgen tulǵa ǵana bolǵan. "Qazaqstan Respýblıkasyndaǵy saılaý týraly" Qazaqstan Respýblıkasy Konstıtýsıalyq Zańynyń 43-babynyń 8-tarmaǵyna sáıkes, atalǵan Konstıtýsıalyq zań talaptaryna sáıkes, qatysýshy adamnyń qalaýy boıynsha daýystardy sanaý kezinde oǵan komısıa tóraǵasy jáne hatshynyń qoldary qoıylǵan sonymen qatar, saılaý komısıasynyń mórimen kýálandyrylǵan hattamanyń kóshirmesi beriledi. Osy belgilengen tártippen kýálandyrylǵan hattamalardyń kóshirmelerin senim bildirilgen adamdar men baıqaýshylardyń eshqaısysy almaǵan, esepke alý jáne tirkeý jýrnalynda kóshirmelerdi alý faktisin rastaıtyn baıqaýshylar men senim bildirilgen adamdardyń qoldary da joq.
Tórtinshiden, túpnusqa hattamaǵa eki mór qoıylýy kerek: túpnusqa hattama kóshirmesiniń óz móri, sondaı-aq ýchaskelik saılaý komısıasynyń tóraǵasy men hatshysynyń qolymen rastalǵan "tiri" dep atalatyn mór.
Besinshiden, fotosýrettegi komısıa músheleriniń qoldary olardiki emes ekeni kórinip tur, ony ýchaskelik saılaý komısıasynyń músheleri de rastady. Qujattaǵy mórdiń ózi oqylmaıdy, ony № 99 saılaý ýchaskesiniń tańbasy retinde anyqtaý múmkin emes.
Joǵaryda aıtylǵandardy eskere otyryp, hattamanyń fotosýretteri delingen qujat №99 ýchaskelik saılaý komısıasynyń resmı qujatynyń kóshirmesi emes. Osy fotosýretterdi daıyndaý jáne olardy odan ary taratý áreketterin zańnamaǵa sáıkes, zańdy túrde ótkizilgen saılaý nátıjelerin burmalaý jáne bedelin túsirý áreketi dep sanaýǵa bolady.
Osyǵan baılanysty Almaty qalasynyń aýmaqtyq saılaý komısıasy halyqty aldaýǵa jol bermeý úshin tek qana shynaıy aqparatty taratýǵa shaqyrady.
Almaty qalasynyń aýmaqtyq saılaý komısıasy jalǵan aqparat taratatyn tulǵalardy jaýapqa tartý úshin qadaǵalaý jáne quqyq qorǵaý organdaryna júginý quqyǵyn ózine qaldyrady.