El qurǵaqshylyqtan kem degende 1,8 mlrd dollar joǵaltýy múmkin.
Ýrýgvaı alapat apatqa ushyraýdyń aldynda tur, dep habarlaıdy Almaty-akshamy.kz Azattyq Ruhy-na silteme jasap.
Elde qatty qurǵaqshylyq bastalyp, aýyz sý qorynyń taýsylý qaýpi týyndady. Kanelon Grande jáne San-Fransıskoda sý qoımalary keýip qalǵan. Al Kanelones aımaǵynan basqa, Lavallehtegi shahtalar qalasy da óte aýyr jaǵdaıda tur. Ondaǵy aýyz sý qory tek osy aıǵa ǵana jetedi.
«Ýrýgvaı qurǵaqshylyqtan kem degende 1,8 mıllıard dollar joǵaltady dep boljandy. Paısanda ólkesinde qurǵaqshylyq saldarynan iri qara maldyń qyrylýyna baılanysty tótenshe jaǵdaı engizildi», - dep jazady jergilikti basylymdar.
Ýrýgvaı qurǵaqshylyqtan aman qalsa da, bul eldegi aýyz sý qoryn synı deńgeıge jetkizedi degen boljam bar. Sanıtarlyq qyzmetter (JBB) halyqty sýmen qamtamasyz etý úshin, ásirese astanalyq aımaqtaǵy Kanelon Grande sý qoımalarynda shuǵyl sharalar qabyldaýǵa májbúr boldy.
Aýyr synaqtan jańbyr qutqarady degen boljam elge úmit týǵyzyp otyr. San-Fransısko qalasynda, eldiń ortalyq bóligi Mınas qalasy, Lavalleh óńirinde búgin jańbyr jaýady degen boljam bar.