Almaty qalasyndaǵy №157 jalpy bilim beretin mektepte Qazaqstan Respýblıkasy Parlamenti Senatynyń depýtaty, tanymal jýrnalıs Nurtóre Júsip Baıtilesulymen áserli kezdesý uıymdastyryldy. Bul sharaǵa Naýryzbaı aýdandyq bilim bóliminiń basshysy Qusaıynova Saltanat Amangeldiqyzy men mektep basshysy Ahmetova Sveta Aǵabekqyzy da qatysty, dep habarlaıdy aqshamnews.kz
Jýrnalısıka salasynda mol tájirıbesi bar, «Saryarqa samaly» gazetiniń agroónerkásip jýrnalısi bolyp bastap, «Aq jol Qazaqstan», «Jas alash», «Egemen Qazaqstan», «Astana Habary», «AIQYN» gazetteriniń bas redaktory qyzmetterin atqarǵan Nurtóre Júsip Baıtilesulynyń ómir joly – jas urpaq úshin úlken úlgi. Qazirgi tańda Senat depýtaty bolyp otyrǵan tulǵa óziniń kásibı tájirıbesimen, týǵan ólkege degen súıispenshiligimen jáne ult múddesine qyzmet etýdegi ustanymymen bólisip, oqýshylarǵa rýhanı azyq berdi.
Kezdesý barysynda Senat depýtaty týǵan jeri, shyǵarmashylyq jáne eńbek joly týraly áńgimeledi. Oqýshylarǵa ulttyq qundylyqtardy qurmetteýdiń, adal eńbektiń, bilimge qushtarlyqtyń mańyzdylyǵyn jetkize otyryp, óziniń jýrnalısik jáne qoǵamdyq qyzmettegi jetistikterin, tájirıbelerin baıandady. Sondaı-aq, oqýshylarmen erkin suhbat quryp, olardyń saýaldaryna jaýap berdi. Óziniń ǵıbratty áńgimesi arqyly oqýshylarǵa ómirlik sabaq bere otyryp, rýhanı kúsh-qýat, maqsatyna jetýge degen talpynys pen senimdiliktiń mańyzyn uǵyndyrdy.
Bul kezdesý jas býyn úshin bilim men tárbıege toly rýhanı sabaq boldy. Nurtóre Júsiptiń qajyrly eńbegi, elimizge degen adal qyzmeti men jas urpaqqa úlgi bolarlyq qasıetteri oqýshylarǵa úlken tájirıbe jınaqtaýǵa jáne bolashaqqa senimmen qaraýǵa jol ashty.