«Taǵzym» memorıalynyń ashylýy – óte mańyzdy oqıǵa. Qańtar oqıǵasynyń zalaly, ásirese, Almaty qalasyna tıdi. Qanshama halyq zardap shekti, qanshama ǵımarattardyń astań-kesteńi shyqty. Sol kezdegi halyqtyń bastan ótken jaǵdaı̆yn túsinip, qaza bolǵan azamattardy eske alyp júrý úshin jáne mundaı̆ oqıǵa qaı̆talanbaýy úshin memorıaldyń ashylýy óte durys. Sondaı̆-aq, keı̆ingi urpaqqa beretin úlken tárbıelik máni bar.
Memorıal tek jeke avtordyń kózqarasymen jasalǵan dúnıe emes, ony jasaý úshin baı̆qaý jarıalandy. Ol elimizdegi úzdik sáýletshiler, úzdik óner qaı̆ratkerleriniń jobalary boı̆ynsha salynyp otyr. Memleket basshysy Qasym-Jomart Toqaev memorıaldyń mańyzy joǵary ekenin ashylý saltanatynda aı̆typ ótti. Sondyqtan qańtar oqıǵasynyń jyldyǵyna sáı̆kes der kezinde ashyldy dep aı̆ta alamyn.
Memorıaldyń ishinde qasiretti kúnderdiń belgisi retinde qara tústi jáne jarqyn bolashaǵymyzdyń kepili retinde aq tústi tórtburysh elementter bar. Sol ár elementtiń betinde qazaq halqynyń dana uldarynyń aı̆tqan qanatty sózderi jazylǵan. Ózim Juban Moldaǵalıev, İlıas Esenberlınniń aı̆typ-jazǵan ósıetterin kórdim. Onyń bári memorıalǵa kelgen ár adamǵa oı̆ salady. Bul eskertkishke «Taǵzym» dep at berilýi óte durys. Keshenge kelgen adamdar oǵan taǵzym etip, sol kúnderdi eske alady.