QR Mádenıet jáne aqparat mınıstrligi baspasóz qyzmetiniń habarlaýynsha, bıyl syılyqqa 400-den astam ótinish kelip túsken, dep habarlaıdy aqshamnews.kz
Short-lıstke 44 úmitker endi. Jumystar 11 nomınasıa boıynsha usynyldy, onyń ishinde "Jyldyń úzdik jýrnalısi", "Úzdik reportaj", "Úzdik jańalyqtar saıty" jáne basqalary bar.
Jeńimpazdarǵa estelik músinsheler men 1 mıllıon teńge kóleminde aqshalaı syılyq berildi.
Sondaı-aq "Úrker – 2025" ulttyq syılyǵynyń arnaıy marapattary da tabystaldy.
Arnaıy syılyqty "Kazahstanskaıa pravda" respýblıkalyq gazeti – basylymnyń 105 jyldyǵyna oraı, Kazinform aqparat agenttigi – 105 jyldyq mereıtoıǵa oraı, Zakon.kz ınternet-basylymy – Jumysshy mamandyqtary jylyna arnalǵan arnaıy atalym boıynsha ıelendi.
2017 jyldan beri "Úrker" ulttyq syılyǵyna 4200-den astam jumys usynyldy, olardyń 440-y short-lıstke endi. Osy ýaqyt ishinde "Úrker" estelik músinshesi 133 úzdik otandyq BAQ ókiline tabystaldy, olardyń jumystary jýrnalısıkanyń túrli salalarynda joǵary baǵalandy.
"Úrker - 2025" ulttyq syılyǵynyń jeńimpazdary:
Jyldyń úzdik suqbaty: Baýyrjan Karıpov – Qaz365.kz aqparattyq agenttigi
Jyldyń úzdik reportajy: Ivan Sýhorýkov – Tengrinews.kz saıty
Áleýmettik taqyryptaǵy úzdik materıal: Tamara Vaal – Vlast.kz saıty
Jyldyń úzdik jýrnalısik zertteýi: Maıra Erǵalı – "Atyraý" gazeti
Jyldyń úzdik analıtıkalyq materıaly: Ilá Pashenko – "Kazahstanskaıa pravda" gazeti
Radıostansıadaǵy úzdik joba: "Nysana" – "Shalqar" ulttyq radıoarnasy
Jyldyń úzdik fotosýreti: Igor Býrgandınov – "Kazahstanskaıa pravda" gazeti
Jyldyń úzdik jańalyqtar portaly: Adyrna ulttyq portaly
Úzdik óńirlik BAQ: "Astana aqshamy" gazeti
Jyldyń úzdik podkasty: Qstar Group
Jyldyń úzdik YouTube-arnasy: Eksperty KZ.