Qazaqstanda «Dıplommen aýylǵa» atty 1 paıyzdyq ıpotekalyq baǵdarlamaǵa qatysý úshin ótinim qabyldaý bastaldy, dep habarlaıdy aqshamnews.kz
Baǵdarlamaǵa bilim berý, densaýlyq saqtaý, áleýmettik qorǵaý, agroónerkásiptik keshen, mádenıet, sport salalarynyń mamandary, sondaı-aq aýyldyq okrýg ákimderi apparattarynda jumys isteıtin memlekettik qyzmetshiler (ákimder men olardyń orynbasarlaryn qospaǵanda) qatysa alady.
Ótinimder onlaın túrde Baspana Market platformasy arqyly qabyldanady. Qatysý úshin jeke kabınetke kirip, ótinimdi toltyryp, nátıjesin kútý qajet.
BAǴDARLAMA SHARTTARY:
Birjolǵy tólem — 100 AEK (2025 jyly bul 393 200 teńge);
Jyldyq 1% mólsherlememen turǵyn úı satyp alý nemese salýǵa arnalǵan jeńildetilgen nesıe;
Nesıe somasy — óńir men eldi mekenge baılanysty 2 500 AEK-ke deıin (9 830 000 teńge);
Nesıe merzimi — 15 jylǵa deıin.
QATYSÝ TALAPTARY:
Tehnıkalyq, kásiptik, ortadan keıingi, joǵary nemese joǵary oqý ornynan keıingi bilim týraly dıplomnyń bolýy;
Nesıe alǵan maman óz óńirindegi aýyldyq eldi mekende ornalasqan uıymǵa mamandyǵy boıynsha keminde 3 jyl jumys isteýge mindetti;
Buryn alynǵan nesıeler boıynsha merzimi ótken bereshektiń bolmaýy.