Qazirgi ýaqytta jedel tergeý amaldary júrgizilip jatyr.
Ulttyq qaýipsizdik komıteti elimizdiń ártúrli óńirlerinde iri kólemde kóknár shıkizatyn satý qylmysyna qatysy bar esirtkimen aınalysatyn toptyń zańǵa qaıshy is-áreketin áshkereledi, dep habarlaıdy Almaty-akshamy.kz.
Jedel zerdeleý jumysynyń nátıjesinde Petropavl qalasynda esirtki qylmysyna qatysty toptyń kómekshileri ustalyp, 5,5 tonnaǵa jýyq atalǵan apıyn túri tárkilendi.
Osy operasıanyń ekinshi kezeńi barysynda Óskemen qalasynda 1 tonna kóknár shıkizatyn alý ústinde esirtki kýreri ustaldy. Dál osy ýaqytta Qaraǵandy qalasynda jalǵa alǵan qoımalarda 10 tonnadan asa esirtki shıkizatyn saqtap kelgen esirtki qylmysyna qatysty toptyń uıymdastyrýshylary ustaldy.
Tintý sharalary barysynda esirtki qylmysyna qatysty top qatysýshylarynan sýyq qarý men iri kólemde aqshalaı zattar tabylyp, tárkilendi.
Aldyn ala tergeý anyqtaǵandaı, atalǵan apıyn tamaq ónimderi túrinde shetelden Qazaqstan aýmaǵyna kirgizilip, esirtkige táýeldi ortada saýdalanǵan.
Jalpy, qolǵa túsken esirtki kólemi 16 tonnadan asty. Qazirgi ýaqytta jedel tergeý amaldary júrgizilip jatyr.