150-den astam operasıa júrgizdi.
Esirtkiniń zańsyz aınalymyna qarsy is-sharalar jalǵasýda, dep habarlaıdy Almaty-akshamy.kz QR Ulttyq qaýipsizdik komıtetiniń baspasóz qyzmetine silteme jasap.
2023 jyly QR Ulttyq qaýipsizdik komıteti esirtkiniń zańsyz aınalymyna qarsy 150-den astam operasıa júrgizdi.
Qorytyndyǵa sáıkes, 34 halyqaralyq jáne 32 óńirlik esirtki jetkizý arnalary joıyldy. Sondaı-aq, 36 jasyryn esirtki zerthanalarynyń qyzmeti beıtaraptandyryldy.
Zańsyz aınalymnan 3,6 tonnadan astam esirtki quraldary men psıhotroptyq zattar, 21,5 tonna kóknár sabanynyń shıkizaty jáne sıntetıkalyq esirtki jasaý úshin paıdalanylatyn 75 tonnaǵa jýyq hımıalyq reagentter tárkilendi.
"Qara naryqta" alynǵan esirtkiniń quny 20 mlrd teńgeden asady, al kólemi shamamen 17 mln bir rettik dozany quraıdy.
Sonymen qatar, "Tıisti qylmystar jasady" degen kúdikpen 101 adam sottaldy. Sondaı-aq, respýblıkanyń taǵy 169 azamaty men sheteldikterge qatysty sotqa deıingi tergeý jumystary júrgizilip jatyr.
Budan bólek, shet memleketterdiń quzyretti organdarymen Qazaqstan arqyly esirtki ákelý jáne tranzıt arnalarynyń jolyn kesý boıynsha 32 birlesken operasıa júzege asyryldy.