Bul saıysta taǵy bir qazaqstandyq Nadejda Stepashına toǵyzynshy oryndy mise tutty
Qazaqstandyq shańǵyshy Ksenıa Shalygına AQSH-tyń Leık-Plesıd qalasynda ótip jatqan Qysqy Ýnıversıadada bes shaqyrymǵa kalssıkalyq úlgide jekeleı synda saıysqa tústi, dep habarlaıdy Almaty-akshamy.kz QazAqparatqa silteme jasap.
Qazaqstandyq shańǵyshy máre syzyǵyn tórtinshi bolyp qıdy.
Atalǵan saıysta bas júlde 13:20.8 kórsetkishimen fınlándıalyq Hılly Nıemelaǵa buıyrdy. Ol Ksenıa Shalygınadan 25.5 sekýnd alda keldi.
Ekinshi oryndy estonıalyq Marıel Merlıı Pýlles alsa, úzdik úshtikti Marıı Bokkardı túıindedi.
Bul saıysta taǵy bir qazaqstandyq Nadejda Stepashına toǵyzynshy oryndy mise tutty. Kórsetkishi - 14:13.4.
Qazirge deıin alǵashqy altyn medaldi bıatlonshy Vadım Kýrales salsa, odan keıin shańǵymen sekirý sportynan Danıl Vasılev chempıon atandy.