Ázirge júldege ilikken 15 qurama bar
2023 jylǵy Qysqy Ýnıversıadada tórtinshi jarys kúninen keıin Qazaqstan quramasy medaldar kestesinde toǵyzynshy orynǵa jaıǵasty, dep habarlaıdy Almaty-akshamy.kz QazAqparatqa silteme jasap.
AQSH-tyń Leık-Plesıd qalasynda ótip jatqan dúbirli dodada 14 qańtarda qazaqstandyq bıatlonshy Vadım Kýrales 15 shaqyrym qashyqtyqta jekeleı synda máre syzyǵyn birinshi bolyp qıǵan edi.
15 qańtarda qazaqstandyq sportshylar júldege ilige alǵan joq.
Ázirge bir altyn júldemen Qazaqstan quramasy medaldar kestesinde toǵyzynshy oryndy Estonıamen bólisip tur.
Qazirgi tańda júldege ilikken 15 qurama bar.
Kósh basynda Japonıa 7 (4-2-1) medalmen kele jatsa, odan keıingi oryndardaǵy Fransıanyń 7 (2-1-4), Chehıa men Fınlándıanyń 3 (1-1-1) medali bar.
2023 jylǵy Qysqy Ýnıversıadanyń tórtinshi oıyn kúninen keıingi medaldar kestesi:
1. Japonıa 4-2-1
2. Fransıa 2-1-4
3. Chehıa 1-1-1
3. Fınlándıa 1-1-1
5. Germanıa 1-0-2
6. Kanada 1-0-1
6. Ońtústik Koreıa 1-0-1
6. Shveısarıa 1-0-1
9. Qazaqstan 1-0-0
9. Estonıa 1-0-0
11. AQSH 0-3-0
12. Norvegıa 0-2-1
13. Polsha 0-2-0
14. Ispanıa 0-1-2
15. Italıa 0-1-0
Eske salsaq, dúbirli dodada elimizdiń atynan 78 sportshy baq synaıdy.
Qysqy Ýnıversıada 22 qańtar kúni máresine jetedi.