Importta bıdaı men meslın boıynsha ósim baıqalady.
2022 jylǵy qańtar-qarashada Qazaqstannyń EAEO elderimen ózara saýdasy 25 585,9 mln AQSH dollaryn qurap, ótken jyldyń sáıkes kezeńimen salystyrǵanda, nomınaldy mánde 7,1%-ǵa kóbeıdi, dep habarlaıdy Almaty-akshamy.kz.
Ulttyq statbúronyń málimetinshe, byltyr qańtar-qarashada taýar eksporty 8 632,8 mln AQSH dollary (22,3% kóp), ımport – 16 953,1 mln AQSH dollary (0,7% kóp) deńgeıinde qalyptasqan.
Qazaqstan Respýblıkasynyń EAEO elderimen syrtqy saýda aınalymynyń jalpy kóleminde Reseı Federasıasyna 92,3%, Qyrǵyzstan Respýblıkasyna 4%, Belarýs Respýblıkasyna 3,6%, Armenıa Respýblıkasyna 0,1%-dan keledi.
EAEO elderimen eksport boıynsha, ótken jyldyń sáıkes kezeńimen salystyrǵanda, radıoaktıvti hımıa elementteri boıynsha 2,1 ese ósim baıqalady.
Bul rette kúıdirilgen pırıtti qosa alǵanda, temir keni men konsentraty boıynsha tómendeý baıqalady (77,2% az).
Importta bıdaı men meslın boıynsha ósim baıqalady – 1,7 ese. Bul rette jeńil avtomobıl jáne ózge de motorly kólik quraldary boıynsha kórsetkish tómendegen (76,2% az).