Jartylaı fınal 21 qańtarda ótedi
2023 jylǵy Qysqy Ýnıversıadada shaıbaly hokeıden Qazaqstannyń stýdentter quramasy jartylaı fınalda Kanadamen kezdesedi, dep habarlaıdy Almaty-akshamy.kz QazAqparatqa silteme jasap.
Qazaqstandyq hokeıshiler V tobynda Ońtústik Koreıa, Vengrıa, Ulybrıtanıa, Slovakıa jáne AQSH-pen synǵa tústi.
Toptyq kezeńde el quramasy Ońtústik Koreıany – 5:1, Vengrıany 9:1, Ulybrıtanıany 15:1, Slovakıany 4:0 esebimen jeńip, AQSH quramasyna 1:4 esebimen ese jiberdi.
Osylaısha óz tobynda 12 upaımen ekinshi oryn aldy. Birinshi oryn dál sondaı upaı jınaǵan AQSH quramasyna buıyrdy.
Jartylaı fınal 21 qańtarda ótkiziledi. Fınal men 3-oryn úshin saıys 22 qańtarǵa belgilengen.
Shaıbaly hokeıden Qazaqstan stýdentter quramasy dúbirli dodaǵa toǵyz márte qatysty. 1995 jyly Ispanıanyń Haka qalasynda chempıondyq tuǵyrǵa kóterilse, 1993, 2013, 2015, 2017 jyldarda kúmis, 2007 jyly qola medal ıegeri atandy.