Bul elde árkim óz erejesimen júredi: munda bekitilgen jol qozǵalysy erejelerin saqtamaıdy, kólikti ózara kelisim arqyly júrgizýge tyrysady. Eń qyzyǵy, týrısik aımaqtarda bul asa qıyndyq týdyrmaıdy. Bul týraly Almaty-akshamy.kz Kaz.tengritravel.kz-ke silteme jasap tolyǵyraq jazady.
Eshqandaı ereje joq
Úndistanda júrgizýshiler de, jaıaý júrginshiler de jol erejesin saqtamaıdy, sondyqtan jergilikti júrgizýshilerdiń jol belgilerin nemese tutas jolaqtardy elemeı, qarsy kele jatsa, Qazaqstanda orynsyz sanalatyn qımyl-qozǵalysyn kórseńiz, tań qalmańyz.
«Bıp-bıp» (Dybystyq sıgnal)
Eger Qazaqstanda júrgizýshiler sıgnaldy qajet bolǵan jaǵdaıda ǵana qoldansa, Úndistanda ońdy-soldy basa beredi. Júrgizýshi muny: "Men kólik júrgizip kelem, abaı bol" dep eskertý úshin ǵana basýy múmkin. Bastapqyda bul júıkeńizge ábden tıýi múmkin, ásirese siz jolda velosıped nemese motosıklmen júrseńiz, úndi kólik júrgizýshisi sizge sıgnal jiberip, basyp ozsa da, uzaq ýaqyt sıgnalyn toqtatpaıdy. Ýaqyt óte buǵan da úırenýge týra keledi.
Baǵdarshamdar men belgiler az
Árıne, úlken qalalarda ınfraqurylymdyq nysandardyń aldynda jol belgilerin, baǵdarshamdardy jáne qozǵalysty baqylaýda ustaıtyn júrgizýshilerdi kezdestirýge bolady. Biraq týrısik aımaqtar men eldimekenderde bul joqtyń qasy. Sonda da kólik qozǵalysy kóp kóshelerde júrgizýshiler birin-biri basyp ozyp, ońdy-soldy júrse de, eshbir jol apaty tirkelmeıdi.
Agresıa joq
Jalpy, Úndistan joldarynda agresıanyń joqtyǵy tań qaldyrady. Jol qozǵalysy erejelerin eshkim saqtamasa, qaqtyǵyssyz, ashýsyz múmkin emes sıaqty. Degenmen, olaı eshqashan bolmaıdy. Bul halyqtyń mentalıteti men kúnniń jylýlyǵy ma dersiz.
Qaýipsizdik
Jalpy alǵanda, úndi jol qozǵalysynan alatyn áserińiz - haos, sonymen birge qaýipsizdik sezimi. Tipti qozǵalys kóp jolda velosıpedpen kele jatqanda nemese aınalma joldy kesip ótkende de, sizge sıgnal berýi múmkin, biraq ótkizip jiberedi. Keıde tipti qol bulǵap, kúlimdep, aq jol tilep jatady, bul - dáleldengen!