Ǵalamdyq klımattyń ózgerýi baıqalýda
Úndistandaǵy nóser jaýynnan keıingi sý tasqyny, kóshkinder men ǵımarattardyń qulaýy, mýsondyq jańbyr birqatar qıynshylyq týdyrdy. Maharashtra aýdandarynda ótken aptada 600 mm-ge deıin jaýyn-shashyn tústi, dep habarlaıdy Almaty-akshamy.kz Izvestıa telearnasyna silteme jasap.
Eldiń batysynda qatty nóser jańbyr saldarynan 190 turǵyn qaza tapty. Kem degende 25 adam habar-osharsyz ketken.
Egistik jerlerdi sý basty, 230 myń adam kóshirildi. Úlken ózenderdiń sýy arnasynan asyp, tasý qaýpi tónip tur. Shtatta qatty jańbyr týraly 40 jyl ishinde alǵash ret habarlandy. Jahandyq jylyný batystaǵy aýa raıynyń qolaısyzdyǵynyń sebebi dep sanaıdy.
«Jahandyq jylynýǵa baılanysty sońǵy jyldary atmosferanyń sýdy ustaý qabileti artty. Tómen qysymdy aımaqtyń paıda bolýyna baılanysty qatty jańbyrdyń mólsheri artyp keledi. Nátıjesinde biz, ásirese, eldiń ortalyq bóliginde qatty jaýyn-shashynmen betpe-bet keleýdemiz», - dedi Úndi meteorologıalyq basqarmasynyń bas dırektory Mrýtıýndjaı Mohapatra.