90 oryndyq klýbqa kórermender zaly men jas búldirshinderge arnalǵan úıirme sabaqtaryn ashý josparlanýda
Áz Naýryz merekesi kúni Alakól aýdany Arharly aýyldyq okrýginde kúrdeli jóndeýden ótken mádenıet klýby halyq ıgiligine berildi, dep habarlaıdy Almaty-akshamy.kz .
Jurtshylyq asyǵa kútken óner ordasynyń saltanatty ashylýyna aýdan ákimi Almas Abdınov arnaıy qatysyp, aýyl halqyn qos qýanyshtarymen quttyqtap, nysannyń qurylys jumystaryna demeýshilik kórsetken aýdan janashyry, mesenat, «ZHERSU» ınvestısıalyq – óndiristik korporasıasy baqylaý keńesiniń tóraǵasy Baýyrjan Kenesbekuly Ospanovqa alǵysyn bildirdi.
Sondaı – aq, aýyl azamattary atynan qańqasy qalańǵan ǵımarattyń abattandyrý jumystaryna kómek kórsetken jeke kásipker Asqar Sebepovke aýyldyq ardagerler keńesiniń tóraǵasy K.Mamyrbekov shapan jaýyp, Kúmis Núsipovaǵa rızashylyǵyn jetkizdi.
Aıta keterligi, bir qabatty 90 oryndyq klýbqa kórermender zaly men jas búldirshinderge arnalǵan úıirme sabaqtaryn ashý josparlanýda. Qazirgi tańda mekemege 5 adam turaqty jumyspen qamtyldy.