Bul jaǵdaı dárigerlerdiń alańdaýshylyǵyn týǵyzyp otyr.
Resmı málimetterge sáıkes Anglıa men Shotlandıada árbir 24-shi adam vırýsty juqtyrǵan, dep habarlaıdy Almaty-akshamy.kz.
Shamamen 150 myń adam úıden test synamalaryn jasap, osyndaı nátıje kórsetip otyr. Vırýstyń jas talǵamaıtyny anyqtalǵan. Biraq ol 65 jastan asqan adamdardan góri 18 ben 44 jas aralyǵyndaǵy turǵyndardan kóbirek tabylǵan. Dúnıejúzilik densaýlyq saqtaý uıymy bul vırýsty zertteýdi qajet etetin Omıkronnyń jańa túri dep, oǵan JN.1 degen ataý berdi. Onyń Soltústik jáne Ońtústik Amerıkada, Tynyq muhıtynyń batys bóliginde jáne Eýropa elderinde keńinen taraǵany belgili bolyp otyr.
Qazirgi tańda JN.1 asa qaýipti ekendigin dáleldeıtin ázirge zertteý nátıjeleri joq. Kovıdke qarsy vaksınalardyń jańartylǵan túrleri adam aǵzasynyń ımýnıtetin kúsheıtedi deıdi mamandar. Biraq Dúnıejúzilik densaýlyq saqtaý uıymyndaǵylar naýqastar sanynyń artýy múmkin ekendigin joqqa shyǵarmaıdy.