Londondaǵy barlyq úkimettik ǵımarattardaǵy memlekettik tý túsirildi
Ulybrıtanıa patshaıymy II Elızaveta Balmoral saraıynda 96 jasynda qaıtys boldy, dep habarlaıdy Almaty-akshamy.kz QazAqparatqa silteme jasap.
Brıtandyq SİM bul oqıǵa týraly Elızaveta II resmı Memleket basshysy bolǵan 15 eldiń úkimetine, sondaı-aq Ulttar dostastyǵyna múshe 38 eldiń basshylyǵyna habarlady.
Patshaıymnyń qaıtys bolǵany týraly habarlanǵannan keıin Londonnyń ortalyǵyndaǵy barlyq úkimettik ǵımarattardaǵy memlekettik tý túsirildi.
Buǵan deıin monarh Balmoralda medısınalyq baqylaýda bolǵandyǵy týraly habarlanǵan edi.
Patshaıymnyń uly hanzada Charlz jáne basqa da otbasy músheleri Shotlandıadaǵy rezıdensıasyna kelip, onymen birge boldy.