Kóptegen elderde keń taralǵan jáne balalar arasynda tanymal slash sýsynynyń quramynda zıandy zattar bolýy múmkin. Bul sýsyn jemis shyryny men gazdy sýdan jasalyp, onyń ústine muz qosylady. Muzdyń tez erimeýin jáne deserttiń dámin saqtaý úshin slashqa glıserın qosylady. Alaıda, bul balalar úshin óte zıandy bolýy múmkin, dep habarlaıdy aqshamnews.kz
Ulybrıtanıanyń Taǵam standarttary jónindegi agenttigi 5 jasqa deıingi balalarǵa slash sýsyndaryn bermeýdi usynady. Al 11 jasqa deıingi balalarǵa kúnine tek 1 staqannan artyq ishpeýge keńes beredi. Eger bul normalar buzylsa, bala aǵzasynda glıserın kóbeıip, gıpoglıkemıaǵa (qanda glúkozanyń kúrt tómendeýi) ákelip, tipti esten tanýǵa sebep bolýy múmkin. Ulybrıtanıada osy jaǵdaımen 20-dan astam bala aýrýhanaǵa túsken.
Zertteý nátıjeleri Archives of Disease in Childhood jýrnalynda jarıalanǵan. Balalar aýrýhanadan saýyǵyp shyqqannan keıin slashqa jolamaıtyn boldy.
Qazaqstanda da mektep janyndaǵy dúkenderde túrli tústi jáne arzan táttiler kóp satylady. Kóbinese sanıtarlyq talaptar saqtalmaıdy, bul balalardyń densaýlyǵyna qaýip tóndiredi. Ata-analar balalardyń ne jep júrgenin baqylap, olardyń densaýlyǵyna kóńil bólýi mańyzdy.