ınteraktıvti kórmesi ótti
«Forým» saýda ortalyǵynda QR Memlekettik ortalyq mýzeı qoryndaǵy etnografıalyq zattar negizinde «Uly Dala tynysy» jyljymaly kórmesi ótti. Kórmege Ortalyq mýzeıdiń ınteraktıvti qoryndaǵy uly tulǵalardyń kózi tirisinde ustaǵan dombyralarynyń kóshirmeleri (A.Qunanbaıuly, D.Núrpeıisova, J.Jabaev, M.Ótemisuly t.b.) jáne qarý-jaraq túrleri men ydys-aıaqtar qoıyldy. Kórme barysynda mýzeı qyzmetkerleri qazaqtyń ulttyq muralaryna qatysty qundy aqparattarmen bólisti.
– Jyl basy kúnine oraı «Uly dala tynysy» etnografıalyq kórmesin uıymdastyryp otyrmyz. Bul jerde uly tulǵalardyń zattarynyń kóshirmesin alyp keldik. Basty maqsatymyz – osyndaı qundy zattarmen halyqty tanystyrý. A.Qunanbaıuly, D.Núrpeıisova, J.Jabaev, M.Ótemisuly sıaqty ańyz adamdarymyzdyń baǵaly zattaryn adamdar kúnde kóre bermesi anyq, – dedi QR Ortalyq memlekettik mýzeıiniń Antropologıa jáne endrologıa bóliminiń basshysy Araıly Balaeva.
– Óte erekshe kórme ótip jatyr. Mundaı uly tulǵalardyń qundy zattaryn kóremin dep oılamappyn. Búgin birinshi ret Orteke aspabyn óz kózimmen kórip, tartyp kórdim. Osyndaı tárbıelik mańyzy bar kórmelerdi kóp uıymdastyrsa eken, – deıdi kórmege kelýshi Nurjan Joldasbekov.
