Ulttyq shuǵyl medısınany úılestirý ortalyǵynyń (USHMÚO) ashylýy Qazaqstanda shuǵyl medısınalyq kómek kórsetýdi klasterlik úlgi boıynsha jańa deńgeıge kóterýge múmkindik berdi.
Kezek kúttirmeıtin jáne shuǵyl medısınalyq kómek kórsetý júıesinde biregeı kópbeıindi aýrýhana, jańa borttary bar medısınalyq avıasıa, búkil el boıynsha jedel medısınalyq kómek qyzmetin úılestirý ornalasqan, dep habarlaıdy aqshamnews.kz.
USHMÚO kópbeıindi aýrýhanasy - 29 baǵyt boıynsha jumys isteıtin 9 klınıkalyq departamentti qamtıtyn 250 tósektik zamanaýı klınıkalyq baza: jalpy hırýrgıa, akýsherlik, polıjaraqat, terapıa, kardıotorakaldyq hırýrgıa jáne kardıologıa, ambýlatorıalyq hırýrgıasy bar ýrologıa, kombýstıologıasy bar irińdi-septıkalyq hırýrgıa, gınekologıa, neırohırýrgıa departamenti.
«Eger buryn eldiń barlyq shuǵyl qyzmetteri shashyrańqy bolsa, búgin biz el boıynsha barlyq shuǵyl kómekti qadaǵalap, úılestiremiz. Bul alys óńirlerden kelgen aýyr naýqastarǵa jedel bilikti kómek kórsetýge, jergilikti jerlerde jedel járdem jumysynyń negizgi kórsetkishterin jaqsartýǵa múmkindik beredi. Aǵymdaǵy jyldyń 17 naýryzynan bastap maýsymyna deıin bizdiń klınıkaǵa 3 myńǵa jýyq pasıent emdeýge jatqyzyldy, onyń 14-i AQSH, Tájikstan, Chehıa, Nıgerıa, Koreıa jáne Qytaıdan kelgen sheteldik azamattar. Búgin bizde tarıhı oqıǵa boldy - jańadan ashylǵan akýsherlik bólimshede alǵashqy bosandyrý júrgizilip, Káýsar esimdi qyz dúnıege keldi», - dedi QR DSM USHMÚO Basqarma Tóraǵasy, joǵary sanatty neırohırýrg Erjan Ádilbekov suhbatynda.
Aýrýhana zamanaýı medısınalyq jabdyqtarmen jaraqtalǵan: kompúterlik tomograf (256 bólim), qýaty 3 Tesla magnıttik-rezonanstyq tomograf, angıograf, rentgen jáne últradybystyq apparattar, 12 operasıalyq zal.
Sonymen qatar, KINEVO 900 robotty hırýrgıalyq beıneleý júıesi bar, ol operasıalardy oryndaý kezinde eń joǵary dáldikti qamtamasyz etedi jáne anatomıalyq qurylymdardyń naqty beınesin alady jáne hırýrgtarǵa navıgasıa úshin naqty keskinder men derekterdi beretin KICK navıgasıalyq júıesi bar.
USHMÚO-nyń biregeı erekshelikteriniń biri - pasıentterdi ártúrli óńirlerden jedel tasymaldaýǵa múmkindik beretin medısınalyq avıasıaǵa arnalǵan tikushaq alańy men angardyń bolýy.
2025 jyldyń İ jartyjyldyǵynda 1047 ushý oryndaldy: onyń ishinde ushaqtarmen – 829, tikushaqtarmen – 218, bul 2024 jyldyń uqsas kezeńinen 10,1%-ǵa artyq. Sondaı-aq Túrkıa, Vetnam, Germanıa, Ońtústik Koreıa jáne Egıpetten aýyr naýqastardy 5 halyqaralyq tasymaldaý oryndaldy.
Budan basqa, qazirgi ýaqytta USHMÚO bazasynda akýsherlik patologıasy bar stasıonarlar men synı pasıentterdiń reanımasıa bólimshelerindegi aýyr jáne óte aýyr jaǵdaıdaǵy pasıentterge táýlik boıy monıtorıń júrgizetin telemedısına jáne qashyqtyqtan medısınalyq qyzmetter kórsetý ortalyǵy (Ahýaldyq ortalyq) jáne maqsaty oqytý jáne halyqaralyq standarttarǵa sáıkes kezek kúttirmeıtin medısınalyq kómek kórsetý daǵdylaryn pysyqtaý bolyp tabylatyn Oqý-trenıng ortalyǵy (OTO) jumys isteıdi.
Sondaı-aq, USHMÚO qurylymynda mynalar jumys isteıdi:
* Mı qan aınalymy jiti buzylǵan pasıentterge kómek kórsetýdi ádisnamalyq jáne uıymdastyrýshylyq súıemeldeýdi qamtamasyz etetin ınsýlt problemalary jónindegi respýblıkalyq úılestirý ortalyǵy;
* Zamanaýı tehnologıalardy qoldana otyryp, Júrek yrǵaǵynyń buzylýyn dıagnostıkalaýǵa jáne emdeýge mamandandyrylǵan Júrek yrǵaǵy ortalyǵy.