Respýblıka kúni qarsańynda Almaty qalasynda qarjylaı saýattylyqty arttyrý jáne alaıaqtyq sqemalardan qorǵaný daǵdylaryn qalyptastyrýǵa baǵyttalǵan FinIQ qarjylyq qaýipsizdik boıynsha respýblıkalyq dıktant-testiniń jeńimpazdaryn marapattaý rásimi ótti.
Dıktant jeńimpazdaryn Almaty qalasy boıynsha ETD basshysy Ismagýlov N.N. jáne «Halyk Bank» AQ Almaty fılıaly dırektorynyń orynbasary Jeksembınov F.M. quttyqtap, marapattady.
Dıktantqa mektep oqýshylary, stýdentter jáne qala turǵyndary qatysyp, qarjylyq qaýipsizdik salasynda joǵary bilim deńgeıin kórsetti.
Úzdik nátıje kórsetken qatysýshylarǵa estelik syılyqtar men jeńimpaz dıplomdary tabys etildi.
İs-shara uıymdastyrýshylarynyń aıtýynsha, FinIQ dıktant-testin ótkizý halyqtyń qarjylyq mádenıetin nyǵaıtýǵa, alaıaqtyqqa qarsy saqtyqty arttyrýǵa jáne jeke qarjyǵa jaýapkershilikpen qaraý daǵdylaryn qalyptastyrýǵa yqpal etedi.
Bul shara «Zań men Tártip» tujyrymdamasyn iske asyrý aıasynda Qazaqstan Respýblıkasynyń Qarjylyq monıtorıń agenttiginiń bastamasymen, «Halyk Bank» AQ jáne «Qaryzsyz qoǵam» qoǵamdyq birlestiginiń qoldaýymen ótkizildi.