Keıingi jyldary onlaın platformalar qaptap ketti. Qymbat kýrs satyp alyp, sabaqty oqymaǵan ne unatpaǵan jaǵdaıda aqshany qaıtarýǵa bola ma? Zańger Indıra Ómirzaqova jaýap berdi, - dep habarlaıdy aqshamnews.kz tilshisi.
"Eger kýrs sabaqtary kezeń-kezeńimen ashylatyn bolsa, másele ońaı sheshiledi", - deıdi zańger.
Mysaly, ekinshi sabaq birinshisi ótkenshe ashylmasa, materıaldar modýlderge bólingen bolsa, ıgerilmegen sabaqtarǵa aqsha qaıtarýdy talap etýge bolady. Bul jaǵdaıda platformalar qaı sabaqtar ashylǵanyn tirkeýi kerek, sondyqtan tutynýshy úshin ónimdi paıdalanbaǵanyn dáleldeý áldeqaıda ońaı.
Ómirzaqovanyń aıtýynsha, mundaı jaǵdaıda oqý ornynan jazbasha talap‑shot (pretenzıa) jiberý jetkilikti bolady. Onda Azamattyq kodeksiniń 686‑babyna jáne Tutynýshylardyń quqyǵyn qorǵaý týraly Zańnyń 8.1‑babyna silteme jasaý usynylady.
Barlyǵyna birden qoljetimdi bolsa, qıyndyq kóbeımek
Eger kýrsqa tólengennen keıin barlyq materıal birden ashylyp ketse, jaǵdaı kúrdelirek. Munda kópnárse shartqa baılanysty bolady. Oferta nemese paıdalanýshy kelisiminiń naqty mátini sheshýshi ról atqarady.
"Kelisim durys jasalmaǵan bolsa nemese qashyqtan kórsetiletin qyzmettiń erekshelikteri eskerilmegen bolsa, tutynýshy aqshasyn qaıtaryp alýy múmkin. Biraq kóbine kýrs satatyndar ózderin qorǵaıdy, ıaǵnı sabaq tolyq qoljetimdi bolǵannan keıin qaıtarym jasalmaıtynyn shartqa aldyn‑ala jazyp qoıady", - eskertedi zańger.
Bul jaǵdaıda ne isteý kerek?
- Shartty (oferta, paıdalanýshy kelisimi) tólem jasamas buryn muqıat oqyp shyǵyńyz.
- Ashylǵan kýrstardy, qaıtarym sharttarynyń skrınshottaryn saqtańyz.
- Eger oqý orny sizdiń quqyqtaryńyzdy buzǵanyna senimdi bolsańyz, aldymen jazbasha pretenzıa joldap, jaýap kelmese, sotqa nemese medıatorǵa júginýge bolady.