Respublıka kúníne oraı Almatyda memlekettík nagradalardy saltanatty túrde tabystau rásímí óttí. Qazaqstan Respublıkasynyń Prezıdentí Qasym-Jomart Toqaevtyń atynan marapattardy almatylyqtarǵa qala ákímí Darhan Satybaldy tabys ettí.
Marapat ıelerí qatarynda qala men eldíń damuyna zor úles qosqan azamattar bar. Olardyń íshínde dárígerler men ūstazdar, mádenıet jáne kásípkerlík salasynyń ókílderí, eńbek ardagerlerí men qoǵam belsendílerí bar.
Saltanatty jıyn barysynda Darhan Satybaldy Respublıka kúní – el bírlígí men tūtastyǵynyń, ruhanı quaty men ūrpaqtar sabaqtastyǵynyń nyshany ekenín atap óttí.
"Táuelsízdíktíń alǵashqy jyldarynan bastap Qazaqstan ekonomıka, ǵylym men bílím, densaulyq saqtau, mádenıet jáne dıplomatıya salalarynda nyq árí senímdí qadammen alǵa basty. Búgínde elímíz halyqaralyq arenada bedeldí, teń qūqyqty árípteske aınaldy. Táuelsízdík jyldaryndaǵy barlyq jetístíktíń negízínde – halqymyzdyń eńbegí jatyr. Sondyqtan árbír dárígerge, ūstazǵa, ınjenerge, kásípkerge jáne árbír almatylyqqa alǵysym sheksíz", – dedí Almaty ákímí.
Darhan Satybaldynyń aıtuynsha, Memleket basshysynyń bastamalary Qazaqstandy jańǵyrtu úderísíne tyń serpín beríp otyr. "Ádílettí Qazaqstan", "Zań men tártíp", "Taza Qazaqstan", "Adal azamat" baǵdarlamalary qoǵamda ádíldík, tártíp pen senímdí nyǵaıtuǵa baǵyttalǵanyn aıtty.
Memleket basshysynyń Jarlyǵymen aqyn Marfuǵa Aıthojaǵa "Qazaqstannyń halyq jazushysy" qūrmettí ataǵy beríldí. Qazaq radıosynyń ardagerí Amanjan Seríkov "Qazaqstannyń eńbek síńírgen qaıratkerí" atandy, al terapevt Nūrzıya Dáurenbekovaǵa "Qazaqstannyń eńbek síńírgen dárígerí" ataǵy tabystaldy.
Sonymen qatar eńbek ardagerí Esentaı Tájıevke "Barys" ordeníníń ÍÍ dárejesímen marapattaldy. 19 almatylyq "Qūrmet" ordenín, ekí azamat "Eńbek Dańqy" ordeníníń ÍÍÍ dárejesín, al úsh tūrǵyn "Parasat" ordenín ıelendí. "Eren eńbegí úshín" medalímen 45 adam, al qoǵamdyq jáne qaıyrymdylyq qyzmettegí belsendílígí úshín alty azamat "Shapaǵat" medalímen marapattaldy.
Aıta keteıík, rásímge Qazaqstan halqy Assambleyasynyń, Qoǵamdyq keńestíń, joǵary oqu oryndarynyń, mádenıet jáne jastar ūıymdarynyń ókílderí qatysty.