Aqtóbe prokýratýrasy psıhıkalyq densaýlyq ortalyǵynyń qylmysyn áshkereledi, - dep habarlaıdy aqshamnews.kz tilshisi.
Prokýratýra málimetinshe, zertteý barysynda esirtkige táýeldi dep esepteletin 205 adamnyń qaıtys bolǵany nemese basqa óńirlerge kóship ketkenine qaramastan, ortalyqtyń esebinen shyǵarylmaǵany anyqtaldy.
"Alaıda bul tulǵalardyń emine negizsiz túrde 2,5 mln teńge búdjet qarajaty bólinip, ortalyqtyń esepshotyna aýdarylǵan. Prokýrorlyq qadaǵalaý aktisi boıynsha búdjet qarajaty keri qaıtarylyp, 6 laýazymdy tulǵa tártiptik jaýapkershilikke tartyldy", - dep habarlaıdy prokýratýra.
Prokýratýra organdary densaýlyq saqtaý salasyndaǵy zańdylyqty qamtamasyz etý jáne búdjet qarajatyn utymdy paıdalaný baǵytynda júıeli jumystardy jalǵastyryp jatyr.