2025 jylǵy 13-20 shilde aralyǵynda talapkerlerden granttar konkýrsyna qatysý úshin ótinishter qabyldanady.
Qujattardy egov.kz portaly arqyly onlaın nemese joǵary oqý oryndaryndaǵy qabyldaý ortalyqtary arqyly (kez kelgen jaqyn ornalasqan JOO-da) tapsyrýǵa bolady, dep habarlaıdy aqshamnews.kz.
Grant konkýrsyna qatysý úshin talapkerler jeke kýálik, UBT sertıfıkatyn, 3h4 kólemindegi foto, orta bilim týraly atestat (tehnıkalyq jáne kásiptik bilim berý uıymdarynyń túlekteri úshin dıplom) tapsyrý kerek. Sondaı-aq jeńildetilgen sanat boıynsha konkýrsqa qatysý úshin rastaıtyn qujattar usynylady.
UBT shekti baldary
Bilim berý granttary konkýrsyna qatysý jáne aqyly negizde oqýǵa túsý úshin UBT nátıjeleri boıynsha kelesi shekti baldar belgilengen:
«Quqyq» jáne «Pedagogıkalyq ǵylymdar» baǵyttary boıynsha – keminde 75 bal;
«Densaýlyq saqtaý jáne áleýmettik qamtamasyz etý (medısına)» baǵyty boıynsha – keminde 70 bal;
ulttyq joǵary oqý oryndaryna túsý úshin – keminde 65 bal;
basqa joǵary oqý oryndaryna túsý úshin – keminde 50 bal;
Qazaq ulttyq sý sharýashylyǵy jáne ırrıgasıa ýnıversıtetine túsý úshin – keminde 50 bal.
Esterińizge sala ketsek, joǵary oqý oryndary bilim berý granttaryn taǵaıyndaý konkýrsyna qatysý jáne aqyly negizde oqýǵa qabyldaý úshin óz shekti baldaryn ózderi belgileýge quqyly.
Aýyldyq jerlerden shyqqan jáne áleýmettik osal toptarǵa jatatyn talapkerlerdi qoldaý maqsatynda qabyldaý naýqany aıasynda arnaıy sharalar qarastyrylǵan. Atap aıtqanda, granttar konkýrsyna qatysý barysynda memleket bekitken kvotalar bar.
Aıta keteıik, 2025 jyly «Sıfrlyq ýnıversıtet» qaǵıdatyn júzege asyrý jalǵasýda: úderisterdiń basym bóligi avtomattandyrylǵan, bul konkýrstyq irikteýdiń ashyqtyǵyn arttyrady.
Bilim berý granty ıegerleriniń tizimi 10 tamyzǵa deıin jarıalanady.