Tumaý kezinde kún saıyn aıran ishý nesimen paıdaly? Bul týraly reseılik dáriger Andreı Tájelnıkov aıtyp berdi, - dep habarlaıdy aqshamnews.kz tilshisi "Doktor Pıterge" silteme jasap.
Dárigerdiń aıtýynsha, ımýnıtetti qalypta ustaý úshin kúndelikti nemese aptasyna 4–5 ret qyshqyl sút ónimderin tutynǵan paıdaly.
"Qantsyz, probıotıkteri bar ónimderdi ishken paıdalyraq. Mysaly, uıyqtardan buryn bir staqan aıranishý nemese tańǵy asqa qantsyz ıogýrt jeý jetkilikti. Mundaı ónimderdi birneshe apta boıy turaqty túrde qoldaný aǵzanyń qorǵanys kúshin nyǵaıtýǵa kómektesedi", - deıdi ol.
Alaıda keıbir dárigerler túnde aıran ishýge qatysty basqa pikir aıtady. Keıbir mamandar túnde tamaqtanbaǵan durys dep esepteıdi.
Endokrınolog Zýhra Pavlova túnde sýdan basqa taǵamdardy jeýge bolmaıtynyn eskertedi. Aırannyń ınsýlın ındeksi joǵary bolǵandyqtan, túnde ony ishý uıqy barysynda qandaǵy qanttyń kúrt tómendeýine ákelip, sadarynan tańerteń kúrt joǵarylaýy múmkin. Bul ýaqyt óte kele ashqaryndaǵy glúkoza deńgeıiniń buzylýyna jáne preddıabettik jaǵdaılarǵa ákep soǵýy yqtımal.
Gınekolog Ekaterına Volkova da túnde kefır ishýdi usynbaıdy, ásirese salmaq joǵaltý maqsatynda júrgenderge. Túnde laktozaǵa baı ónimder ishektegi fermentasıany kúsheıtip, ınsýlınniń bólinýin arttyrýy múmkin. Bul maıdyń, ásirese ish maıynyń jınalýyna yqpal etedi.