Almaty qalalyq polısıa departamenti azamattarǵa halyqaralyq júrgizýshi kýáligin berýge quqyǵy joq jeke uıymdarǵa, týrısik agenttikterge jáne basqa da qurylymdarǵa júginýge bolmaıtynyn eskertedi.
Halyqaralyq júrgizýshi kýáligi - júrgizýshiniń shetelde kólik quralyn basqarý quqyǵyn rastaıtyn qujat. Bul qujat 1968 jylǵy 8 qarashadaǵy Jol qozǵalysy týraly Vena konvensıasyna qol qoıǵan 180-nen astam elde moıyndalady, dep habarlaıdy aqshamnews.kz.
Almaty qalalyq PD ákimshilik polısıa basqarmasynyń prosesıng ortalyǵynyń bastyǵy Aıdyn Merkimbaevtyń túsindirýinshe, Qazaqstan Respýblıkasynyń «İshki ister organdary týraly» Zańynyń 6-babyna sáıkes, júrgizýshi kýálikterin, onyń ishinde halyqaralyq kýálikterdi berý ishki ister organdarynyń aıryqsha quzyretine jatady. Búgingi kúni Qazaqstan Respýblıkasynda halyqaralyq júrgizýshi kýálikteri berilmeıdi. Azamattardyń kúmándi onlaın-saıttar nemese jeke fırmalar arqyly kýálik rásimdeýge bergen ótinishteri zańdy kúshke ıe emes. HJK ulttyq júrgizýshi kýáliginiń ornyn baspaıdy, tek onyń resmı aýdarmasy sanalady.
Qujat qajet bolýy múmkin: 1)shetelde avtokólikti jalǵa alý kezinde; 2)jeke avtokólikpen shekaradan ótý kezinde; 3)joldaǵy tekserý barysynda qujattardy kórsetý kezinde; 3)shetelde saqtandyrýdy rásimdeý kezinde.
Halyqaralyq júrgizýshi kýáligin alý úshin emtıhan tapsyrý nemese oqýdan ótý talap etilmeıdi. Almaty qalalyq polısıa Departamenti, azamattardy saq bolýǵa jáne alaıaq deldaldardyń arbaýyna túspeýge shaqyrady. Kúmán týyndaǵan jaǵdaıda azamattarǵa aýmaqtyq ishki ister organdaryna júginip, tolyq aqparat alýǵa keńes beriledi.