Tanymal mýzykatanýshy, ónertaný kandıdaty, qazaqtyń dástúrli mýzykasyn zertteýshi jáne ustaz Álıa Sabyrova 58 jasynda kóz jumdy, - dep habarlaıdy aqshamnews.kz tilshisi.
Ol otyz jylǵa jýyq dástúrli mýzykalyq mádenıetter men túrki áleminiń mýzykasyna arnalǵan pánderdi oqytyp, avtorlyq arnaıy kýrstar ázirledi. Qazaqstanda alǵash bolyp "Álem halyqtarynyń mýzykasy" atty oqý kýrsyn qurdy.
Ǵylymı jetekshiligimen 50 jýyq magıstrlik jáne 3 doktorlyq dısertasıa qorǵaldy. Konservatorıanyń ǵylym hatshysy, qazaq jáne shetel mýzyka tarıhy kafedrasynyń meńgerýshisi qyzmetterin atqardy.
"2009–2010 jyldary "Mýzyka áleminde - V mıre mýzykı" jýrnalynyń bas redaktory boldy. Telebaǵdarlamalar júrgizip, ǵylymı ekspedısıalarǵa qatysyp, irgeli eńbekterdi redaksıalady. Ǵylymı izdenisterinde Abaı men Shákárim murasyna arnalǵan zertteýleri erekshe boldy", - delingen habarlamada.
Áriptesteri ony eńbekqor, bastamashyl, kásibine adal, jańashyl ǵalym retinde erekshe baǵalady. Stýdenttermen teń dárejede til tabysyp, olardyń derbes oılaýyna jol ashyp, dáldik pen derekkózge talap etti.