Búgin – birinshi toqsannyń sońǵy oqý kúni. Erteńnen bastap oqýshylar kúzgi demalysqa kirisedi. Kúzgi demalys - bala úshin tynyǵyp qana qoımaı, jańa áserlerge, paıdaly isterge, shabyt pen shyǵarmashylyqqa toly erekshe kezeń. Eger demalysty durys uıymdastyrsańyz, ol mektepten úzilis emes, balanyń damýyna múmkindik beretin ýaqytqa aınalady.
Aqshamnews.kz redaksıasy kúzgi demalysty mándi ótkizýge arnalǵan 8 tıimdi ıdeıany usynady.
1. Bilimdi tolyqtyrý
Birinshi toqsan qorytyndysy boıynsha nátıje siz kútkendeı sátti bolmady ma? Onda demalys kúnderin bilimdegi kem-ketikti joıýǵa arnaýǵa bolady. Repetıtormen sabaq ótý, qysqa kýrsqa jazylý nemese balamen birge oqýlyqtaǵy taqyryptardy qaıtalaýdyń bári paıdaly bolmaq. Eń bastysy - durys motıvasıa tabý. Keıde sabaq úlgeriminiń tómendeý sebebi bilimniń emes, psıhologıalyq kederginiń saldarynan bolýy múmkin.Bala mańyzdy taqyrypty ótkizip alǵan, ózine senimsizdik paıda bolǵan nemese muǵalimmen túsinispeýshilik týyndaǵan bolýy yqtımal.
Mundaı jaǵdaıda ata-ananyń qoldaýy, sabyrmen túsindirýi jáne qajet bolsa, balalar psıhologynyń kómegi artyq etpeıdi.
Sýret: profi.ru
2.Densaýlyqty qolǵa alý
Kúzdiń sýyq, jeldi kúnderi ımýnıtetti álsiretedi. Sondyqtan demalys – aǵzany kúsheıtýdiń taptyrmas ýaqyty. Balańyzben birge dárýmen qabyldaý, sergitetin massajǵa jazylý, dárigerge tekserilý, fızıoterapıa kýrsyn ótý, stomatologqa barý - bári mańyzdy. Kún tártibin rettep, taza aýada serýendeńiz. Osylaısha bala kishkentaıynan óz densaýlyǵyna jaýapkershilikpen qaraýǵa úırenedi.
Sýret: Cerecon.ru
3.Kitap oqý ádetin qalyptastyrý
Qyzyqty ertegiler, fentezı, detektıvter men shytyrman oqıǵaly shyǵarmalar - bala qıalyn damytatyn eń jaqsy qural. Kitap oqý balanyń oı-órisin keńeıtedi, este saqtaý qabiletin arttyrady, til baılyǵyn damytady.
Kitapty birge oqyp, rólmen bólisip oqý nemese oqyǵan shyǵarma jaıly pikir bólisý de qyzyq. Úı kitaphanasyn rettep, jańa kitaptar izdeńiz nemese jaqyn mańdaǵy kitap jármeńkesine baryńyz. Maqsat - oqýdy qyzyqty tájirıbege aınaldyrý.
Sýret: Kazgazeta.kz
4.Saparǵa shyǵý
Kúzgi demalys ýaqyty uzaq emes. Sondyqtan alys saparǵa shyǵa qoıý ekitalaı. Biraq qysqa ekskýrsıalar men serýenderdi kez kelgen sátte uıymdastyrýǵa bolady.
Mýzeıler, kórmeler, tarıhı ǵımarattar, tabıǵı eskertkishter, qalany aralaý - osynyń bári jańa áser syılaıdy.
Balańyz óz qalasynyń tarıhyn tanyp, jańa ortada ózin erkin sezinýdi úırenedi. Mundaı tájirıbe dúnıetanymdy keńeıtedi, shabyt syılaıdy.
Sýret: arnapress.kz
5.Paıdaly is jasaý
Mysaly, ózińiz turatyn jerde qystaıtyn qustarǵa qamqorlyq kórsetińiz. Demalysta oqýshy balańyzben birge usaq jumystarmen aınalysyp, qustarǵa arnalǵan jem salǵysh jasaýǵa bolady. Qysta bala sol jerge jem salyp, qustardy baqylap júrse, ol tabıǵatqa súıispenshilik pen jaýapkershilik sezimin qalyptastyrady.
Sýret: donhoztorg.ru
6.Jańa nárse baıqap kórý
Demalys kezinde túrli úıirmeler men seksıalar tájirıbe júzindegi synaq sabaqtaryn ótkizedi. Bul - jańa hobbı tabýdyń tamasha múmkindigi.
Bala karatemen aınalysa ma? Onda bı sabaǵyn baıqap kórsin. Nemese sýret salý, qoldanbaly óner boıynsha sheberlik sabaǵyna qatysyp, baǵyn synap kórýge bolady.
Maqsat - ózin basqa qyrynan taný jáne jańa qabiletterdi ashý.
Sýret: vpechatleniya.ru
7.Kóńil kóterý
Kúzgi demalys - oıyn men qyzyqty ýaqyt ótkizý shaǵy. Sırkke, teatrǵa, kınoǵa barý - klasıka. Al eger erekshe áser qaldyrǵyńyz kelse, kvestke qatysyńyz, lazertag nemese batýt ortalyǵyna baryńyz.
Eń bastysy - birge ýaqyt ótkizý jáne balanyń qýanyshyn bólisý.
Sýret: novoetv.kz
8.Jaı demalý jáne otbasy jylýyn seziný
Keıde eshteńe istemeýdiń ózi eń jaqsy demalys. Balańyzdy ata-ájesine jiberińiz nemese dostaryn úıge shaqyryńyz.
Úıde birge tátti toqash pisirip, birge shaı iship, eski álbomdardy aqtarsańyzdar bolady. Áńgimelesip, birge kúlip, tipti kesh uıyqtaýǵa bir ret bolsyn ruqsat berińiz. Mundaı sátter ómir boıy esten ketpesi anyq.
Sýret: vkusno-doma.com
Aldyn ala josparnalyp, oılastyrylǵan demalys balanyń esinde qalatynyn sózsiz. Sondyqtan ony paıdaly, qyzyqty jáne kóńildi etýge tyrysý kerek. Shyǵarmashylyqpen oılap, belsendi áreket etińiz - sonda qysqa demalystyń ózi balaǵa qýanysh, shabyt jáne jańa kúsh syılaıdy.