Quryltaıda qaralǵan máseleler týraly
Sońǵy 2-3 kóleminde Quryltaı sózi kóne tarıhtyń kómbesinen shyǵyp, búgingi ómirimizdiń jańa sózi sekildi aınalymǵa ene bastady. Ótken 2022 jyly alǵashqy Ulttyq Quryltaı jazdyń alǵashqy aıynyń ortasynda sımvoldy túrde Ulytaýda ótkeni barshamyzǵa málim. Tek osy bolǵan oqıǵanyń ataýy men ótkizilgen jeriniń kıeliligi halqymyzdyń sanasyn bir silkindirgenin sezindik. Sonyń jalǵasy retinde bıyl, 2023 jyly taǵy da jazdyń basynda ekinshi Ulttyq Quryltaı qasıetti, ári kıeli, ári tarıhı qala – Túrkistanda ótti. Onyń da ózindik máni bar.
Túrkistan qalasy - Qazaq Eli úshin de, búkil Túrik álemi úshin de rýhanı ortalyq bolyp otyrǵan qala. Sondyqtanda bul qalada negizinen qazaq ulty úshin basty rýhanı máselelerdiń kóterilgeni zańdylyq bolyp sanalady. «Ádiletti Qazaqstan jáne Adal Azamat» ataýymen ótken jıynda memleket basshysy jeti negizgi máseleni usyndy. Ol máselelerdiń árqaısysyn jeke jeke taldap, olardyń mańyzdylyǵyn arnaıy jıynda keń túrde kórsetýge bolady. Ulttyq Quryltaıda memleket basshysy aıtqan birinshi mindettiń ózi aýqymdy. «Memlekettik nyshandardy jetildirý» dep atalatyn alǵashqy mindette «El Birligi», «Sultan Beıbarys» ordeni jáne taǵy basqa iri tarıhı tulǵalardy qurmetteýge arnalǵan memlekettik marapattardy engizýdi usyndy. Tarıhı tulǵalarymyz kóp – aý, biraq olar tek birneshe júzjyldyq toılarda ǵana atap ótiledi, al erlikteri úshin, ádebı, mýzykalyq shyǵarmashylyqtary úshin, rýhanı eńbekteri úshin burynǵy zamandardaǵy batyrlarymyzdyń, aqyn-jazýshylarymyzdyń, bı-sheshenderimizdiń, dinı kósemderimizdiń atynda memlekettik marapattar bolsa, ol tulǵalardy halqymen máńgi birge deýge bolady. Taǵy bir marapat – «El birligi». Halqymyzdyń uıtqysy bola bilgen, el birligi men jer tutastyǵy úshin jarǵaq qulaǵy jastyqqa tımeı júrgen qansha tulǵalarymyz bar. Solarǵa arnap «El birligi» marapatyn taǵaıyndasa, naǵyz ádilettilik bolar edi.
Birinshi mindetti júzege asyrý – Ulttyq Quryltaıda aıtylǵan ekinshi mindetti oryndaýdyń alǵashqy qadamdary bolyp sanalady. Ulttyq tarıhı sana-sezimdi jańǵyrtý – ult tarıhyn jańa talaptarǵa saı oryndaýmen, akademıalyq jańa basylymdardy oryndaýmen, tarıhty jańa ómirge beıimdep kórsetýmen baılanysty. Óz kezeginde bul mindetti oryndaý úshinshi jáne tórtinshi mindetterge alyp keledi. Urpaq tárbıesi – eshqashan ekinshi qatarǵa túspeıtin, máńgilik mindet dep bilý kerek. Ulttyń erteńi jas urpaq tárbıesimen tikeleı baılanysty. Ony júzege asyrýdyń bir kilti - Mádenı muralarymyzdy dáripteý arqyly júrgende ǵana tıimdi bolmaq.
Jalpy qoryta aıtqanda, rýhanı ortalyq - Túrkistan qalasynda ótkizilgen Ulttyq Quryltaıdyń ekinshi otyrysy ult úshin rýhanı mańyzdy kóterdi. Olardy oryndaǵanda ultymyzdyń rýhanı bolmysy qataıa túsip, jahandanýdyń barlyq ıirimderi men daýyldaryna tótep bere alady deımiz.